Organizada pola Asociación Mariña Patrimonio, o pasado domingo tivo lugar unha visita guiada á basílica de San Martiño de Mondoñedo, evento que rexistrou unha nutrida concurrencia de persoas interesadas nos temas históricos e artísticos que atinxen ó noso contorno. Abríu o acto o presidente daquel colectivo, o viveirense Francisco Luis Guerreiro para, a continuación o historiador focego Juan Ramón Fernández Pacio, presidente da Asociación Cultural A Pomba do Arco referir algunhas das peculiaridades do vello cenobio, cedéndolle a palabra a Blanca Besteiro, restauradora que últimamente realizou traballos naquel monumento, producto dos cales foi, entre outros, o descubremento de pinturas murais pertencentes ó século XII que fai delas posiblemente as mais antigas de Galicia. Acerca déstas, Manuel Castiñeiras, que é Xefe da colección de románico do Museo Nacional do Arte de Cataluña e profesor da Historia da Arte, no artigo titulado “Cuando las catedrales románicas estaban pintadas: el ciclo pictórico de San Martín de Mondoñedo al descubierto”, dí: “Estos recientes descubrimientos adquieren una significación muy especial en el contexto del románico gallego, hispánico y europeo, ya que hasta la fecha la historia de la pintura mural en Galicia era más bien parca y entrecortada. De hecho, hasta hace bien poco, los únicos testimonios visibles de pintura mural románica figurada en Galicia eran esos restos pictóricos de la pared meridional de San Martín de Mondoñedo. Los recientes hallazgos han confirmado la complejidad y gran extensión del programa iconográfico de la antigua iglesia de San Martín”. Blanca Besteiro, refírese ás peculiaridades da realización dos murais da igrexa focega coma “un material mural que nos permtía, coma poucos, acceder, de maneira privilixiada, e averiguar o proceso de execución dos mesmos”.Cada vez que os expertos inciden cos seus análises e investigacións nas pedras milenarias da vella catedral saen á luz consideracións que non fan senon ratificar a transcendental importancia histórica e artística de San Martíño de Mondoñedo.
Suso Fernández
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
