RIBADEO (FNC) .- O goberno municipal asegura que toda a maquinaria municipal está no seu posto traballando a pleno rendimento desde que se produciron as riadas. Desde o goberno municipal ribadense recoméndanlle “a Balbino Pérez Vacas que dea algunha volta máis polas parroquias, onde a súa xestión e as súas visitas brilan pola súa ausencia”. E engaden que “a brigada de obras do Concello traballa de xeito intensivo pola mañá e pola tarde para restablecer pouco a pouco a normalidade nos puntos que se viron máis afectados polas inundacións. Desde que chegou a brigada da Deputación de Lugo fomos dos poucos Concellos que puxemos todo o noso persoal e a nosa maquinaria á súa disposición para coordinar da mellor forma posible todo o traballo a realizar”.
Apuntan desde o goberno de Ribadeo que “a nosa pala está facendo tarefas de carga e descarga seguindo as necesidades e as demandas do persoal da Deputación. Hoxe mesmo a pala da Deputación estropeóuse e a nosa está a facer o traballo da avariada e tamén o seu, polo que rexeitamos as críticas verquidas polo señor Pérez Vacas”. O equipo de goberno lamenta que “as máquinas da Deputación veñan tan pouco tempo porque quedan moitas cousas por facer, agardamos que volten pronto a Ribadeo. Valoramos o xesto, pero agardamos que non se quede só neso, nun xesto”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.