BURELA .- O Hospital da Costa conta dende o ano 1994 cun protocolo para a aterraxe de helicópteros, que centraliza no Servizo de Seguridade a coordinación de todas as operacións a realizar. Así, calquera uso que se realice na plataforma de despegue e aterraxe debe comunicarse e coordinarse co centro hospitalario co fin de garantir a súa operatividade por vía aérea en caso de emerxencia.
O protocolo, que se debe seguir cada vez que se efectúa unha operación de aterraxe ou despegue no heliporto do Hospital da Costa, tal e como recolle dito documento técnico, establece que todos os servizos deben avisar ao encargado da quenda de seguridade ante a previsión dunha aterraxe, e este á súa vez debe comunicarllo á quenda de mantemento, á quenda de celadores e ao persoal de enfermería das plantas da ala este do edificio (que inclúen medicina interna, cirurxía, esterilización, quirófano, reanimación, laboratorio, radioloxía e urxencias).
Inmediatamente despois desta comunicación, o encargado comprobará a operatividade da helisuperficie, evitando a presenza de obxectos sobre a mesma que poidan poñer en perigo a manobra. Así mesmo, evitará o acceso de persoal non autorizado. Finalmente, situarase na porta de comunicación do pasillo de quirófano coa rampla de acceso ao heliporto, manténdoa pechada e evitando a saída de persoal ata que o helicóptero se atope posado, controlando desde ese momento que o persoal do centro sanitario non se achegue ao rotor de cola.
O protocolo indica tamén que é o Servizo de Seguridade do Hospital o responsable do encendido e apagado das luces de sinalización de pista, así como dos reflectores, cada vez que chegue un helicóptero ao centro.
Segundo fixo saber a Xerencia do Hospital de Burela, o heliporto do Hospital da Costa en Burela foi utilizado o pasado xoves por unha aeronave do Goberno de España sen informar previamente ao centro hospitalario nin ao 061, polo que o heliporto quedou inoperativo para o seu uso preferente durante varias horas. A Xerencia do hospital lembra que a utilización do heliporto ten que seguir criterios de operatividade para os que presta os seus servizos -sanitarios e de emerxencias-, polo que non se debe bloquear a unidade de emerxencias do 061.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
