LUGO.- O Pleno da Deputación aprobou este martes, coa abstención do Partido Popular, a proposta da presidencia en relación co Plan Económico Financeiro para o período 2008-2009 e aprobado polo Pleno en xullo de 2008, e na que se amosa que o organismo provincial acada a estabilidade orzamentaria un ano antes da vixencia do Plan. Isto débese á boa xestión protagonizada polo actual equipo de goberno, o cal implica que o documento queda sin efecto.
Así mesmo, o organismo provincial reclamará á Xunta de Galicia que execute con urxencia as obras incluídas dentro dos denominados Proxectos Estratéxicos de Infraestruturas no Medio Rural (PEIM) 2009 nos Concellos da provincia de Lugo, xa que a día de hoxe aínda non se realizaron nin tampouco se sabe cando se poden levar a cabo. O voceiro provincial socialista subliñou que “levamos 17 meses sen saber nada do asunto e isto é unha cuestión indiscutible. Os veciños xa están sufrindo as consecuencias. Os convenios son para cumprilos, polo que señor Barreiro vostede non convence nin ós propios Alcaldes, e terá que dar explicacións ós veciños”.
O importe total destes acordos, que están xestionados polo goberno autonómico, proceden de fondos estatais do Ministerio de Medio Rural e Mariño, prevén a execución de obras relativas a camiños agrícolas e pistas rurais por un importe máximo de 18 millóns de euros, aportando a Xunta de Galicia 9,5 millóns.
Esta iniciativa foi creada para dinamizar a base produtiva do medio rural, co obxectivo de dignificar e mellorar a calidade de vida da poboacion que reside nestas zonas, e contribuir a fixar poboación. Malia que a administración autonómica acaba de definir as cantidades que podería destinar a cada Concello no período 2009-2010 e tendo en conta que o Conselleiro de Medio Rural asinou no mes de marzo os convenios con 12 Concellos da provincia por importe de 1,2 millóns de euros, a día de hoxe as entidades locais non coñecen cales son as actuacións que ten previstas executar o departamento autonómico.
Coordinación entre administracións polos danos na Mariña
Ante a moción presentada polo Partido Popular sobre a coordinación de administracións para o arranxo dos danos producidos polo temporal, o Presidente da Deputación informou de que o Subdelegado do Goberno, co fin de buscar unha coordinación eficaz entre administracións e ó igual que o fixo no seu momento a Deputación, vén de remitir as actuacións levadas a cabo polo Goberno Central nesta zona da provincia.
Gato Soengas puntualizou que, a diferenza da Xunta de Galicia, a Deputación non só actúa nas vías provinciais, senón tamén nas de titularidade municipal, “polo que o que lles sosprende a vostedes é a reacción da Deputación e que o Presidente chegara coa chequera no bolsillo. O que lles molesta é que o Parque Móbil hoxe funcione e este traballando nos Concellos da provincia. A actuación da Deputación foi absolutamente exemplar e non como se fixo no ano 2000 cando aconteceu algo semellante en Sarria e esta institución permaneceu agochada”. Neste senso, o máximo mandatario provincial puntualizou que “a Deputación estivo á altura e a xente da Mariña sábeo. Non se lle deu a espalda a ninguén, xa que o modus operandi foi consensuado nunha reunión con todos os Alcaldes”.
800.000 euros de aforro
Tamén se aprobou a aplicación do Real Decreto sobre as medidas extraordinarias para a redución do déficit público, referidas ó soldo dos traballadores, ó persoal eventual e ós cargos políticos, e co que o organismo provincial aforra 800.000 euros que irán destinados á débeda. Deste xeito a redución salarial será do 5% en toda a institución, aínda que esta se aplicará de forma porcentual en función dos salarios dos traballadores, seguindo o criterio marcado polo Goberno Central. Deste xeito, os descontos irán dende os 18,81 euros nas categorias máis baixas ós 938 dos traballadores mellor pagados. No caso dos cargos políticos, esta reducción queda do seguinte xeito: o 9% no caso do Presidente, o 8% no dos Vicepresidentes, o 7% no dos Deputados con adicación exclusiva e, finalmente, o 5% nos de adicación parcial.
Plan Laxa
O Pleno tamén deu o visto e prace, cos votos en contra e coa abstención de Manuel Varela, á proposta do equipo de goberno na que se acorda instar á Xunta de Galicia, a través da Consellería de Traballo e Benestar, a que aprobe e desenvolva un novo plan para o fomento do emprego nos Concellos con traballadores afectados pola crise da lousa (plan Laxa) ou outro programa específico cos mesmos obxectivos e definicións co fin de manter a liña de axudas ós municipios e comarcas afectados pola crise deste sector para a contratación, o fomento do emprego e a formación.
Plan de Formación
Tamén se aprobou, coa absteción do PP, o Plan Agrupado de Formación Contínua da Deputación, a través do cal o organismo provincial, o Executivo Central e a Federación Galega de Municipios e Provincias aforran ós Concellos 427.481 euros, un 20% máis que na convocatoria anterior. Desta cifra, a Deputación achega o 37%, o Ministerio de Administracións Públicas o 60%, e a FEGAMP o restante. En total, o persoal das Administracións poderán participar ó longo de 2010 en 70 xornadas formativas, un 30% máis que o ano pasado. O seu contido responde ás demandas actuais como: a normativa galega sobre incendios forestais, o dereito urbanístico logo da modificación da lei, a xestión de axudas para entidades locais financiadas con fondos europeos, etc.
Asimesmo, as novas tecnoloxías tamén teñen unha ampla presenza no Plan de Formación co obxectivo de familiarizar a estes profesionais coa materia logo da total implantación da e-administración na provincia en 2011.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
