BURELA (FNC) .- O Concello de Burela abre o prazo para anotarse nun curso de iniciación ao surf A túa primeira onda que organiza a Delegación de Mar.
A edil Remedios López explica que “todos aqueles nenos, e non tan nenos, que estean interesados en aprender e disfrutar do deporte do surf poderán ver culminadas as súas expectativas en Burela”. A concelleira socialista lembra que “o ano anterior probamos de facer un curso de dous días no mes de xullo e debido á avalancha de participantes e á boa aceptación a práctica deste deporte, este ano decidimos repetir e ampliar a actividade a cinco días”.
O curso será os días 19, 20, 21, 22 e 23 de xullo. Haberá varias categorías diferenciadas por idades a partir dos 8 anos. O curso será totalmente gratis igual que o ano anterior, e vai ser impartido por monitores federados da escola ¡HOLA!OLA de Ribadeo. Remedios López sinala que “esta empresa traerá todo o material necesario para a práctica deste deporte, traxes de neopreno, táboas …. Todos aqueles interesados en participar deberán apuntarse dirixíndose ás oficinas do Concello de Burela ou ao teléfono 982 58 60 00 onde se lles tramitará un seguro. Unha vez feita a inscrición dende a Delegación do Mar poñerémonos en contacto para informar dos grupos e dos horarios”.
A concelleira de Mar engade que “todos estes cursos son posibles gracias á colaboración da Deputación Provincial de Lugo, a través da súa Área de Deportes, da Federación Galega de SURF e da empresa ¡HOLA! OLA de Ribadeo que colaboran impulsando os deportes acuáticos”.
Por outra banda, Remedios López informa que a proba aprazada para realizar o Campionato de Motonáutica en Burela será o 31 de xullo “se non temos inclemencias metereolóxicas que o impidan”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
