BARREIROS (FNC) .- Regatos desbordados, estradas anegadas e unha ponte derruída conforman a imaxe que deixaron as chuvias das últimas horas en Barreiros.
O alcalde, Alfonso Fuente, explicaba esta mañá que “en Barreiros despois dunha tarde noite na que viamos como desaparecía unha ponte na Barranca, coma na zona de Cabarcos e San Xusto ía terra cara a estrada e houbo que facer cortas para evitar que entrara a auga nas casas. Durante a noite a situación mellorou un pouco, pero a partires das sete da mañá vimos como volvían os problemas e as chamadas, avisamos a todo o persoal do Concello de novo, ás oito avisáronnos de que desaparecera o acceso, pegado ao río, a dúas casas en San Miguel. O río fixo moita forza e levóuno, agora xa teñen un acceso provisional por outras fincas para poder darlles servizo a eses veciños”.
O rexedor sinalaba que “temos algunha inundación nalgunha casa, estamos colocando bombas de achique que nos deixou Protección Civil cos medios que ten aquí no centro de operacións que montou nas últimas horas. Vemos que esto non cesa e seguimos en alerta e todo o mundo funcionando, pero o que facemos é establecer preferencias e atendendo primeiro os casos máis importantes ou máis graves. O que intentamos é que se produzan os menores danos posibles”.
Algún veciño de Barreiros levou un susto coa chegada da auga ás portas da súa casa. Fuente Parga contaba que “onte á noite nos avisaron do 112 de que había unha chamada dunha rapaza de Amedo en San Miguel, podía sair polo seu propio pé, pero se asustou un pouco ao ver que a auga rodeaba toda a súa casa e que entraba un pouco no domicilio. Os membros de Protección Civil visitaron todas as casas colindantes, outro señor decidiu quedarse alí, porque xa vivira situacións semellantes e preferiu manterse alí. Os nosos servizos estiveron toda a noite pendentes das zonas máis afectadas para atender as posibles incidencias que se puideran producir”.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
