Nota de Prensa
O BNG DE FOZ ESÍXELLE AO ALCALDE EXPLICACIÓNS A RAIZ DUNHAS DECLARACIÓNS NO CASO DE CASTRO DE REI
“O sistema de contratación do Concello non é do máis transparente” afirma Basanta
Foz, 19 de xuño de 2010.- Para o BNG resulta realmente moi preocupante que o Concello de Foz fose nomeado no xuízo que se leva a cabo polos presuntos casos de corrupción no Concello de Castro de Rei, cando o enxeñeiro xefe de vías e obras da Deputación testemuñou diante do xuíz de que varios alcaldes da provincia lle encargaban proxectos de obra a prezo de mercado, que logo adxudicaban por un valor superior que podía oscilar entre o 22% e o 50% do valor dos contratos. Segundo as informacións publicadas nalgúns medios, este funcionario da Deputación declarou que por informacións que tiña de certas empresas o alcalde de Foz tamén realizaba estas prácticas.
Desde o BNG non queremos pensar que no Concello de Foz se realizasen este tipo de prácticas pero dado a gravidade da información, esiximos do alcalde, o Sr. García Rivera, que responda a estas sospeitas e faga as aclaracións pertinentes para eliminar calquera mínima dúbida na contratación das obras no Concello de Foz. Diante da investigación xudicial en marcha, e dado o feito de que unha das testemuñas claves do proceso o cita entre os alcaldes que teñen como práctica habitual fixar sobreprezos para as obras os nacionalistas solicitan tamén que Rivera aclare se foi chamado xa a declarar polo xulgado ou xulgados que instrúen o caso.
O portavoz municipal do BNG, González Basanta, dixo que “non vai o ser o BNG quen xulgue a realidade dos feitos e será a xustiza quen determine se estas testemuñas teñen algunha veracidade ou non, pero os nacionalistas de Foz xa temos avisado de que o sistema de contratación no concello non é o máis desexable de cara á transparencia na adxudicación de obras, posto que a maioría das obras (entre elas por exemplo as do Plan E) son adxudicadas polo sistema negociado sen publicidade no que o alcalde chama a tres empresas para logo adxudicarlle a obra á mellor oferta”. Este sistema, que tamén foi o utilizado nos procedementos que agora se están a investigar no caso “Operación Rei”, non é precisamente o máis transparente e obxectivo posto que non se lle da opción a todas as empresas a participar e a presentar as súas ofertas, co que abre a vía a posibles tratos de favor. “Non queremos nin por un momento pensar que esto mesmo puidera estar ocorrendo en Foz ”, afirmou Basanta
A parte disto, todo o mundo sabe que neste tipo de adxudicacións é moi fácil negociar por fóra outro tipo de “contrapartidas” á hora de contratar persoal por parte da empresa adxudicataria. Eso é precisamente o que da a entender algunha das conversas telefónicas do alcalde de Castro de Rei despois de levantar o secreto de sumario e que tamén foron publicadas: “a min vaime dicir: collinche a chavala para alí, pero tamén douche unha obra na que vas a gañar diñeiro”. Por iso, o BNG sempre defendeu un sistema de contratación que defenda un trato igualitario para todas as empresas non negándolle a ningunha o poder presentarse a un concurso público con publicidade.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
