Nota de Prensa
Veiga considera que o perfil de Ínsua non parece o máis acaído para dirixir un Hospital Público
O BNG preguntará a Farjas sobre o relevo do Xerente do Hospital.
O Parlamento de Galiza debate o Martes a iniciativa da Plataforma Sanitaria
O vindeiro Martes 22 de Xuño o pleno do Parlamento de Galiza vai debater unha moción do Bloque Nacionalista Galego no que se insta ao Goberno da Xunta a que garanta unha área de xestión integrada única para a Mariña, que conte cun xerente non executivo, así como que asuma a ampliación real do Hospital da Costa e número de camas, implantación da Unidade de Oncoloxía, ampliación de Hemodiálise, pleno funcionamento da Consulta Maior Ambulatoria, unha Resonancia Magnética fixa, a hospitalización a domicilio, a posta en funcionamento dos servizos de tarde, os aumentos de plantilla e por suposto o reforzo e mantemento de tódolos servizos e unidades existentes tanto de Atención Primaria como de Especializada.
A proposta dos nacionalistas xurde da reunión mantida coa plataforma sanitaria da Mariña cos grupos parlamentarios e da encomenda da mesma a que estes elevaran a cámara galega as súas reivindicacións. Segundo explicou Antonio Veiga “ a proposta de resolución que se vai discutir no Parlamento coincide na súa literalidade coas mocións que se están a discutir nos concellos da Mariña, sendo apoiadas en varios deles, e que tamén foi referendada pola Xunta de Goberno da Deputación de Lugo. Aquí non só estamos a defender que o Hospital da Costa non pase a ser unha sucursal de Lugo senón que se execute o Plano Director do Hospital e que se dote ao mesmo de medios dos que carece e que curiosamente o PP demandou con insistencia na etapa anterior.É lamentábel que o PP se sitúe enfronte dos veciños da mariña opoñéndose a cousas tan necesarias como o que Hospital conte con máis medios e con novas especialidades”.
O Responsábel Comarcal do BNG denunciou os problemas que se dan en hemodiálise o que obriga os continuos desprazamentos a Lugo de moitos enfermos renais en condicións e horarios propios doutros tempos, ou a paralización da implantación da Unidade de Oncoloxía xa comprometida polo Goberno bipartito, a externalización de determinados servizos ou que o problema das autopsias siga sen resolverse a pesar dos anuncios do Sr. Balseiro. “Están a converter a nosa saúde nun auténtico negocio no que as persoas non importamos senón o lucro e o beneficio da sanidade privada” aseverou Veiga quen advertiu “que a entrada en funcionamento do novo Hospital de Lugo vai significar novos recortes nos servizos que se prestan en burela así como o desprazamento ao novo complexo Hospitalario de especialidades e facultativos que ate agora prestaban a súa atención en Burela. Por iso o 26 de Xuño xogámonos que Burela e A Mariña conte cunha sanidade como se merece ou que a sanidade na Costa pase a ser unha mera sucursal de Lugo. Só unha resposta masiva da sociedade Mariñán na manifestación convocada para esa data pode garantir unha mudanza no proceso”.
O Bloque Nacionalista Galego anunciou tamén que van solicitar a presenza da Conselleira no Parlamento para que explique as razóns que motivaron o cambio de Xerente no Hospital da Costa, na perspectiva que se aclare se este ten que ver cunha reorganización administrativa, ou agocha outro tipo de motivacións. “Un cese fulminante como o que se deu co cambio de toda a equipa anterior cando a penas ten transcorrido un ano, non entra dentro da normalidade do funcionamento dunha administración pública. Farjas ten que aclarar que está detrás do novo nomeamento” recalcou Veiga. Na mesma liña o Portavoz Comarcal do BNG afirmou que “ o perfil de Insua como xerente dun Hospital público non parece o máis acaído agás que se pense que ninguén mellor que o raposo para coidar do galiñeiro”. Xa por último desde o BNG demandaron que o Goberno galego debe aclarar isto antes de que remate o actual período de sesións, si efectivamente non ten nada que agochar.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
