BURELA (FNC) . O goberno de Burela reiterará no vindeiro pleno previsto para o 10 de xuño a petición á Xunta de construción dunha nova escola infantil en Burela. A tenente de alcalde e concelleira de Benestar Social, Neves Cando, asegura que se trata dunha necesidade prioritaria e urxente para as familias da vila que viron como 20 nenos e nenas quedaron sen praza para o curso 2010-2011.
A edil nacionalista anunciou que “no pleno que imos celebrar a vindeira semana imos reiterar a nosa petición dunha nova escola infantil para Burela porque a situación, que xa plantexáramos en decembro do ano pasado á Xunta, continúa. Segue a aumentar a lista de demandantes de prazas da nosa escola”.
Neves Cando explicou que “desde hai máis de tres anos a demanda de prazas na escola de Burela é unha realidade que medra cada curso e as nosas familias non teñen ningún outro tipo de oferta educativa neste tramo que vai dos 0 aos 3 anos. Esta é unha franxa que representa case o 3’5% da nosa poboación total, entre 300 e 350 nenos son os potenciais usuarios da nosa escola infantil e as 120 prazas que temos resultan insuficientes para atender a demanda deste tipo de servizo como demostran os resultados dos procesos de baremación e matrícula dos últimos anos. En xuño de 2007 quedaron nove nenos e nenas sen praza, en xuño de 2008 esta cifra aumentou ata 16 ao igual que en xuño de 2009. Posteriormente na baremación que se fixo no pasado mes de decembro xa eran 27 os nenos que quedaron fora e agora despois do proceso realizado a finais de maio e de cara ao curso que ven son 20 tamén os nenos e nenas que non teñen praza”.
A concelleira de Benestar Social engade que “ante estes datos consideramos que é necesario e urxente acometer as obras de construción dunha nova escola infantil en Burela posto que ano tras ano son moitas as familias que non poden optar a unha praza na actual escola e o ritmo de nacementos para nada fai aventurar que esta tendencia vaia diminuír”.
Cando lembrou que “na petición que realizamos o ano pasado apuntábamos a posibilidade de utilizar as instalacións da céntrica Casa do Mar de Burela para habilitar espazos para esta nova escola infantil. A día de hoxe nada sabemos da Xunta sobre a nosa petición e por iso a reiteramos porque a situación é cada vez máis clara de necesidade desta nova escola e porque cremos que é prioritaria e urxente a súa construcción para as familias de Burela”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
