CERVO .- A corporación de Cervo abordará mañá a aprobación dos presupostos municipais para o presenta ano nunha sesión de carácter ordinario que dará comezo ás 9 da mañá. O goberno municipal contempla uns gastos de 5,2 millóns de euros nos orzamentos de 2010
Nota de Prensa
A corporación decidirá a aprobación das contas municipais nunha sesión que comezará ás 9 da mañá
O GOBERNO MUNICIPAL CONTEMPLA UNS GASTOS DE 5,2 MILLÓNS DE EUROS NOS ORZAMENTOS DE 2010
* O Executivo que preside Alfonso Villares continúa co plan de austeridade posto en marcha o ano pasado para limitar os gastos correntes
* As contas municipais do presente exercicio caracterízanse pola férrea contención do gasto público salvo en materia de servizos sociais, programas educativos, seguridade, cultura e limpeza
* As previsións para este ano reflicten tamén unha menor recadación derivada do frenazo económico derivado da crise
Cervo, 24 de xullo de 2010.- A corporación de Cervo abordará mañá a aprobación dos presupostos municipais para o presenta ano nunha sesión de carácter ordinario que dará comezo ás 9 da mañá. O Alcalde de Cervo, Alfonso Villares, explicou que o Goberno Municipal elaborou un orzamento para o exercicio 2010 que prevé un investimento en gastos por valor de 5.202.571,77 euros e uns ingresos de 5.449.821,73 euros. Deste xeito as contas municipais rexistrarán no presente ano un superávit económico por importe de 247.249,96 €, o que implica unha aposta decidida polo saneamento da Facenda municipal, xa que o desequilibrio a favor dos ingresos ten por obxecto compensar o remanente de tesourería negativo do exercicio de 2009.
Segundo Villares, o presuposto municipal do 2010 é “a aposta decidida do grupo de Goberno polo saneamento da Facenda municipal” e se basea nun férreo control do gasto público, “pero sen deixar de lado a política de investimento, interesando doutras administracións a necesaria colaboración e cooperación no desenvolvemento económico, social e cultural do noso concello” dixo o alcalde.
MENOS INGRESOS, MENOS GASTOS
No capitulo de ingresos o rexedor local sinalou que, a pesares de de sufrir una rebaixa do 28,32% con respecto ao presuposto do 2009, os ingresos previstos no orzamento do 2010 destacan fundamentalmente por un incremento do capitulo das transferencias correntes nun 11,10% grazas sobre todo ao aumento no conxunto das subvencións recibidas neste ultimo ano procedentes de outras administracións “e máis concretamente as recibidas dende a Xunta de Galicia” sinalou.
Por outra banda, o rexedor destacou de xeito negativo a previsión feita nestes orzamentos da Participación nos Tributos do Estado, a cal diminuíu de 811.782,98 € no 2009 a 760.000,00€ no exercicio 2010, “50.000 euros menos aos que hai que sumar os 150.000 euros que deixamos de percibir do Estado dende o ano 2008 debido á revisión que o Goberno central efectuou na tributación dos Bens Inmobles de Características Especiais” lembrou Villares.
No que atinxe ao apartado de ingresos en concepto de de subvencións o rexedor sinalou que se consignaron un total de 208.000 €, o que supón en termos porcentuais una diminución do 85,07% con respecto ao ano anterior. Sobre este particular o mandatario cervense dixo que este presuposto foi elaborado de xeito cauto e realista. “Non quixemos incluír cifras que aínda non están oficialmente materializadas opor parte doutras administracións como a Xunta de Galicia, pero estamos convencidos de que teremos que ir a unha modificación dos orzamentos á alza en moi poucos meses porque temos a certeza de que esta partida se vai modificar nos vindeiros meses coa concreción das previsións de investimentos importantes como a Residencia-centro de Día ou o espazo de ocio e esparcemento de San Ciprián”.
Con respecto ao capitulo de gastos, Villares indicou que a partida máis importante neste eido é a referida aos soldos do persoal, cantidade á que haberá que aplicar a redución contemplada polo Goberno Zapatero nun 5% en termos anuais do soldo dos traballadores públicos; medida que producirá efectos dende o mes de xuño. Neste apartado o alcalde salientou a necesidade de destinar unha cifra ao soldo dos traballadores municipais “porque significa que seguimos apostando en destinar todo ese persoal a garantir o alto nivel de servizos públicos que se están a ofrecer dende este concello”.
No que respecta ao capitulo de gastos en bens correntes e de servizos cumpre salientar unha contención do gasto en 21.592,92 €, o que representa unha baixada do 1,4% respecto do ano 2009, “o que significa que continuamos a facer realidade o plan de austeridade posto en marcha xa o ano pasado para limitar os gastos correntes como material de oficina, subministros, etc.., pero sen que afecte ao que atinxe ao relacionado con servizos sociais, programas educativos, seguridade, cultura e limpeza”.
Por último, no que se refire a gastos de capital hai que salientar o apartado de investimentos reais, os cales pasan de 1.470.060,06 € (2009) a 516.126,40 € (2010). “Unha merma considerable, pero ao igual que acontece no capitulo de ingresos, hai que ter en conta que por principio de prudencia non se recolleu investimentos para obras coma a xa mencionada área de ocio e de esparcemento en San Ciprián ata que non se firme o correspondente convenio, que suporá un compromiso firme de aportación. Tamén está previsto que a longo do exercicio chegue a Resolución da Xunta de Galicia concedendo a subvención para o Centro de Día-Residencia en San Ciprián, polo que inicialmente non se recolle en orzamentos ata que se realice a oportuna modificación orzamentaria”.
Para Villares, con este presuposto o Grupo de Goberno segue apostando pola austeridade “e axustase á realidade dos tempos que estamos a vivir, pero sen abandonar en ningún momento a alta cantidade de servizos como os que se ofrecen neste concello, sobretodo no campo da Educación e da Cultura, onde as cantidades de investimento para este ano non so non diminúen, se non que aumentan”..
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
