SAN CIBRAO .- A asociación cultural “Amigos da Maruxaina” celebrará o domingo, día 19 de xuño, o XXV aniversario desta festa declarada de interese turístico de Galicia, paro o que programou diversos actos.
NOTA DE PRENSA
“Amigos da Maruxaina” festexará o vindeiro domingo, día 19 o XXV aniversario da súa festa
San Ciprián, 19 de xuño de 2010.- A asociación cultural “Amigos da Maruxaina” celebrará o vindeiro domingo, día 19, o XXV aniversario desta festa declarada de interese turístico de Galicia.
Varios membros da directiva deron a coñecer hoxe o contido do programa de actos nunha rolda de prensa. Segundo indicaron, o obxectivo desta celebración non é outro que o de conmemorar os 25 anos de existencia desta celebración que xurdiu de xeito espontáneo por parte duns veciños de San Ciprián “e por iso, queremos convidar a todos aqueles Maruxainos de corazón a participar nesta homenaxe a todas aquelas persoas que ano tras ano levan facendo posible que esta festa” indicaron.
O programa de actos é o seguinte:
12:00h CONCENTRACIÓN DE MARUXAINAS-OS na Prazoleta, todos ataviados cos traxes típICOS e resto de apare/los, non esquecerse dos cornos, e Si elas traen cestos, nestes virá algo para pinchar…
12:30h Inauguración, na Casa da Cultura, da EXPOSICIÓN “MARUXAINA: 25 ANOS DA FESTA, DUHNA LENDA, DESTE POBO”. Á saída, fronte o Museo, cantaremos o HIMNO DE SAN CIPRIAN, coa conséguente foto de familia.
13:00h todos a Penameá para realizar os ACTOS DO XXV ANIVERSARIO DA FESTA DA MARUXAINA:
# O son dos cornos e gaitas DESCUBRIMENTO DA PLACA CONMEMORATIVA DO XXV ANIVERSARIO obra do maruxaino Anxel Cao
# HOMENAXE en memoria dos-as MARUXAINOS-AS que xa non están.
# ENTREGA DUN COLAR MARUXAINO á NOSA NEREIDA nas pedras de Penameá.
14:30h Xa sabemos, xa sabemos ¿non vamos comer logo? Pois si…. hai XANTAR DE IRMANDADE na carpa situada na Prazoleta.
17:30h Catro vellos mariñeiros acompañarán á MARUXAINA, que virá desde a Cova de Xan Vello para tomar un papado de quelmada con nós.
18:00h O Queimador Maior hanos de preparar unha QUEIMADA para os presentes.
HOMENAXE AS COMISIÓNS DE FESTAS: entrega de figuras da Maruxaina, os presidentes das Comisións de Festas destes XXV anos.
18:30h Non tocan os Píndaros, nin a orquestra Amor pero temos a Diego que nos poñerá unhas pezas no tocadiscos e hala .. A BAILAR ..
21:00h Cada un para a súo casa, que xa hai que ir preparando outros vintecinco anos da Maruxaina…
As persoas interesadas en participar no xantar de irmandade que se vai celebrar na prazoleta deberán reservar a súa invitación adquirindo unha das tarxetas que se atopan á venta nos seguintes locais da vila:
* Bar Candal
* O Noso Lar
* Bar restaurante Buena Vista
* O Pedregal
* Floristería Pétalos
* Ou dirixíndose a calquera membro da organización.
O prezo das invitacións é de 22 euros por persoa e o prazo para retirar as tarxetas finalizará o sábado 19 de xuño. Os asistentes ao xantar recibirán un agasallo en cerámica alusivo aos 25 anos desta celebración.
Ata o momento a organización ten confirmada a asistencia aos actos das seguintes autoridades: Rosa Quintana, conselleira do Mar; Roberto Varela, conselleiro de Cultura; José Manuel Balseiro, secretario da Mesa do Parlamento de Galicia; José Ramón Gómez Besteiro, presidente da Deputación de Lugo; Alfonso Villares, alcalde de Cervo.
“Amigos da Maruxaina” agradeceu na rolda de prensa a colaboración prestada pola Xunta de Galicia, Deputación de Lugo, Concello de Cervo e ACIA San Ciprián para levar adiante esta celebración e valoraron moi positivamente a asistencia destes persoeiros políticos “porque demostra que esta festa é un nexo de unión entre as persoas e está por riba de calquera ideoloxía”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
