MONDOÑEDO.- O xefe territorial de Educación en Lugo, José Jesús Ramos Ledo, asistiu hoxe ao acto de inauguración dos IV Cursos Internacionais de Música e Musicoterapia, que se celebrará en Mondoñedo (Lugo). Esta edición rematará o vindeiro domingo 25 de xullo.
As actividades, organizadas pola Asociación Interdisciplinar Músico- Sensorial para Persoas con Necesidade Especiais (AIMPNE), contarán, do mesmo xeito que en pasadas edicións, con músicos destacados do panorama nacional e internacional que impartirán clases maxistrais aos alumnos e ofrecerán concertos.
Hoxe os actos comezaron coa presentación de ‘O pequeno Lume’, un espectáculo de luz e son coa queima da fachada da catedral de Mondoñedo. Ademais, os asistentes ao acto de apertura presenciaron a actuación do pianista de jazz latino Michel Camilo.
A xornada inaugural completouse coa participación de catro alumnos das edicións anteriores que interpretaron unha obra composta especialmente para o día de hoxe. Un destes estudantes será a primeira persoa con síndrome de Down que toca o bombardino nun acto destas características.
Actividades variadas
Ao longo dos vindeiros días daranse clases e realizaranse concertos, entre os que se inclúen o do domingo no que o protagonismo será para as alumnas e alumnos asistentes ao curso. Ademais ata o 25 de xullo están programadas jams sessións e actividades lúdicas.
A organización da actividade contará coa presenza dun amplo equipo humano coordinado por Lorena López Cobas, que será a responsable de organizar aos musicoterapeutas; un amplo equipo sanitario no que se inclúen médicos, enfermeiras e hixienistas dentais. Tamén haberá logopedas, pedagogos, educadores sociais, unha psicóloga, unha contacontos, e traductores.
Por outra banda o curso de música contará coa presenza do profesor de tuba, Jens Bjorn-Larsen; de fagot, Ole-Kristian Dahl; de óboe, Max Artved; de clarinete, Wenzel Fuchs; de frauta, Henrik Weise; de trompa, Luca Benucci; de trombón, Jonas Bylund; de trompeta, Frits Damrow. Ademais contarán coa presenza da pianista acompañantes, Tomoko Sawano.
As actividades complétanse co curso de jazz, no que participarán o trompeta, Michel P. Mossaman; o saxofón, Antonio Hart; ao piano estará César Latorre; a batería correrá a cargo de Artis Orbus; e o baixo será Petros Klampanis.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
