FOZ .- Presentouse en Foz a XI edición do Festival Aires do Masma, que se celebrará en Foz o vindeiro 17 de xullo, coincidindo coas festas mariñeiras en honor á virxe do Carme. Ao acto acudiu o delegado de Cultura da Deputación de Lugo, o nacionalista Antonio Veiga.
Nota de Prensa
ANTONIO VEIGA ASISTIU Á PRESENTACIÓN DA XI EDICIÓN DO FESTIVAL AIRES DO MASMA EN FOZ
O festival vense celebrando dende o 2000, e este ano contará coa presenza dos coros e danzas do Real Grupo Cultural Covadonga de Xixón e a Asociación Música e Folclore de Magallón, de Zaragoza
FOZ, 2 de xullo de 2010. O delegado de Cultura da Deputación de Lugo, o nacionalista Antonio Veiga, asistiu esta mañá á presentación da XI edición do Festival Aires do Masma, que se celebrará en Foz o vindeiro 17 de xullo, coincidindo coas festas mariñeiras en honor á virxe do Carme. Este ano, o grupo de Coros e Danzas do Real Grupo Cultural Covadonga de Xixón e a Asociación Música e Folclore de Magallón de Zaragoza, acompañarán no evento á asociación Folclórico-Cultural a Subela de Foz, qque organiza o evento coa colaboración da asociación Mar de Foz e o concello. Na presentación do acto tamén estiveron presentes Xoán Moreda Pinto, presidente da asociación A Subela, Ana Campoamor, presidenta da comisión de festas, e o alcalde de Foz, José María García Rivera.
Na súa intervención, Antonio Veiga deu os parabéns á Subela por “organizar unha vez máis este acto, a pesar da dificultade e o traballo que entraña dita labor, e a pesar tamén da época na que estamos”. Lembrou a importancia que ten para a Deputación dar apoio e colaborar con actividades e eventos como o Festival Aires do Masma, xa que “a diferenza dalgunha outra institución, a Deputación non suprimiu ningunha das axudas a eventos culturais, porque a cultura non debe ser a que pague, e á que se lle reste prioridade en nome da austeridade”. Sinalou que “estes eventos, ademais de reforzar a identidade cultural, xeran un beneficio económico xa que atraen público aos lugares onde teñen lugar”.
O día 17 de xullo, sábado, os dous grupos convidados e o anfitrión realizarán, a partir das 20 horas, pasarrúas que rematarán na praza Conde de Fontao, lugar onde se celebrará o festival ás 22 horas. A asociación folclórico-cultural A Subela conta a día de hoxe co grupo de baile tradicional galego, formado por unhas 40 persoas, o grupo de 8 gaitas e o grupo de 8 pandereiteiras, que interpretan antigas coplas galegas. O repertorio do grupo inclúe muiñeiras, xotas, pasodobres e fandangos bailados nas diferentes zonas de Galicia, cantos tradicionais populares e antiquísimos alalás. O obxectivo primordial da asociación é manter viva a tradición folclórica galega mediante a organización de cursos de baile e canto, a promoción de festivais folclóricos para á recuperación de músicas, cantos e bailes xa esquecidos, e a difusión da cultura galega. Ademais do festival Aires do Masma, a asociación cultural A Subela promove outro tipo de actividades como intercambios con grupos folclóricos doutros lugares, e a celebración da Queimada Popular do mes de agosto, onde representan cada ano diferentes lendas galegas relacionadas coa tradición oral, o baile e a música da terra.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
