BURELA (FNC) .- A Delegación de Industria, Comercio e Turismo fai un balance moi positivo da participación do Concello de Burela na 48 edición da Feira Internacional de Mostras do Noroeste que onte concluía en Ferrol. O responsable do departamento asegura que a degustación do bonito de Burela representou o maior éxito de público no evento.
O edil José González Legazpi sinalou que “o Concello de Burela ven facendo un importante esforzo por acadar cada ano máis protagonismo neste certame, atopándose por tanto presentes con stand propio durante todo o certame e dotando de relevancia as presentacións da feira do bonito con degustacións, que foron mellorando cada ano”. O concelleiro nacionalista lembrou que “o pasado sábado foi a xornada adicada a Burela, téndose presentado durante a maña a feira do bonito que acada este ano a súa XXVI edición, e polo serán tivo lugar a degustación de bonito, que representou un total éxito dentro do certame de FIMO. É de destacar o que se informa neste senso polos distintos medios de comunicación, outros concellos seguen o exemplo de Burela na divulgación dos seus produtos típicos, posicionando deste xeito ao noso Concello xunto co de Viana do Castelo, como claros referentes de promoción turística e gastronómica no certame de Punta Arnela”.
No transcurso da presentación en nome do Concello de Burela, o delegado de Turismo, González Legazpi, facía mención entre outras cousas “ao binomio de interese que se daba en FIMO Ferrol referíndome á importancia de atoparnos nun certame próximo a cumprir medio século de existencia e de grande repercusión na eurozona e á súa vez á importancia da feira do bonito de Burela declarada de interese turístico de Galicia e que ven sendo presentada no Ferrol nos últimos tempos, fundamentándose de tal xeito a existencia dunha dualidade de factores positivos e recíprocos que sen dúbida son xeradores de potencialidade”. O responsable de Turismo agradecía publicamente e de forma explícita ao remate do acto de presentación “a S.C.R. Ledicia pola súa excelente disposición e colaboración en todo momento, facendo entrega de distintos agasallos do Concello á súa presidenta Rocio Rivera, e tamén aos seus directivos Santiago Rivera e Benedicto Fernández que formaron parte da delegación que viaxou a Ferrol”.
González Legazpi subliñou “a satisfacción da delegación desprazada a Ferrol por ver como os esforzos realizados acadan protagonismo e favorecen claramente a importancia do noso Concello como referente turístico e gastronómico dentro dun espazo feiral da importancia de FIMO e a súa transcendencia, que de seguro nos reportará tamén relevancia como Concello de destino turístico dentro da comarca da Mariña”.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
