Parece que pasou moito tempo desde aquel I Seminario de Jazz de Burela, mais a realidade é que só pasaron dous anos e xa estamos presentando a terceira edición do Seminario de Jazz e Música Moderna que terá lugar no mes de xullo deste ano 2010. Aquel primeiro proxecto que nacía con moitas ilusións, mais tamén porque non dicilo, con algún temor a non atinxir os obxectivos programados no que era o primeiro seminario destas características en Burela e en toda a Mariña, tornouse xa desde aquel momento un éxito que superou con creces todas as nosas expectativas. Naquel primeiro encontro, tan só dous profesores, José Nine e Javier Constenla, conseguían organizar en cinco días as clases teóricas e prácticas, as clases de “combo-conxunto instrumental” e toda unha serie de concertos durante catro dos cinco días de duración do Seminario. Conseguíase pois un duplo obxectivo: por un lado achegar distintos estilos das chamadas músicas modernas a rapaces e rapazas (e tamén a xente de mais idade) que habitualmente recibe unha formación de tipo clásico e por outro lado, dinamizar a vida cultural de Burela, ofrecendo unha alternativa lúdica e de lecer a unha poboación falta de eventos musicais deste tipo, que atopaba nestas actividades unha forma doada e atractiva de achegarse ao jazz e outros estilos musicais.
Mais por enriba destas dúas cuestións, hai aínda outra terceira que é a máis importante e destacábel de todas. Por enriba da aprendizaxe técnica dos rapaces e rapazas, por enriba da programación musical, está a ilusión e a actitude participativa coa que alumnado e público responderon a este I Seminario. Os propios profesores confesaban a súa grata sorpresa pola resposta dada polos mozos e mozas, que desde o primeiro momento se lanzaron a tocar e improvisar sen ningún tipo de complexo, sen ningún tipo de prexuízo e sen ningún afán competitivo, só co afán de participar, de gozar e de descubrir os segredos da improvisación musical. Tamén o público se amosaba entusiasmado de ver aquela xente nova que conseguía conectar con eles ao instante demostrando que se podía facer tanto con tan pouco.
Foi esta ilusión sen dúbida o motor daquel primeiro seminario e o motor que nos levaría á realización dun segundo seminario, este xa con máis profesores e unha programación musical máis completa. Pasábamos de dous a cinco profesores, programábamos un concerto diario, un máis que no ano anterior e duplicábamos o número de matrículas, de 20 a 40. Desde aquel entón, ven sendo moito o traballo realizado no día a día, na Escola de Música, nas agrupacións, nos intercambios con outras escolas… traballo que fai que o que era novidade hai só dous anos, sexa xa algo común na nosa actividade diaria, algo que forma parte da formación musical do alumnado e que se vai consolidando co paso do tempo.
Aí están as experiencias compartidas entre Estudio Escola e as escolas de música de Silleda e Burela, proxecto de colaboración coordinado por José Nine e que puxo en contacto a rapaces e rapazas de distintos centros facilitando o intercambio de coñecementos ao tempo que estimulaba o seu interese. Este traballo colaborativo, esta implicación por parte do profesorado do seminario, a resposta dada por parte dos nenos e nenas… fai que nos esixamos máis, que nos vexamos na obriga de programar máis e mellores actividades e fai que o que nacía con moitísimas ilusións e algún temor se convertese en algo habitual, en algo que pasou de ser novidade e interese por descubrir novas formas de ver e facer música a ser hábito e gañas de afondar, de continuar o camiño encetado.
Todo isto é o que nos produce hoxe, na presentación deste III Seminario, a sensación de ter pasado moito tempo desde a primeira edición. Estamos ante un III Seminario que mellora os anteriores na súa oferta docente e na súa programación. Este ano contamos cun profesor máis que na anterior edición, cubrindo deste xeito todas as seccións instrumentais: voz e guitarra da man de Leo Giannetto, vento madeira da man de José Nine, vento metal ao cargo de Santiago Cañada, piano ao cargo de Javier Constenla, baixo eléctrico da man de Quique Alvarado e batería e percusión ao cargo de Miguel Cabana. Isto implica maior especialización instrumental, ao tempo que garante a posibilidade de organizar máis e mellores combos e facer máis grupos segundo o nivel do alumnado. Tamén mellora a programación musical, aumentado un día os concertos con respecto ao ano anterior ao facer a presentación do Seminario o día antes ao do comezo das clases. Así, o domingo 18, teremos a actuación de luxo da S.E.M. Big Band (formación da escola de música Estudio, dirixida por Suso Atanes), á que farán de teloneiros os rapaces e rapazas da Burela Blues Band. O luns teremos un concerto a cargo do combo de profesores do seminario, o martes haberá unha sesión de improvisación por parte de alumnos e alumnas do seminario, o mércores actuará o Marcos Pin Trío, que interpretarán temas na liña máis xenuína e característica do jazz, o be bop. Xa o xoves actuará a formación local Marosa Jazz Project e finalizaremos o venres co concerto de fin de curso, no que poderemos apreciar e gozar co traballo realizado durante toda a semana polos rapaces.
Non cabe máis que desexar que todo corra da mellor forma posible e que tanto profesores como alumnos, tanto nais e pais como público en xeral teñades unha semana chea de boas e novas experiencias e que finalicemos esta semana desexando que chegue xa o próximo Seminario. Poñamos como única condición que tanto este, como os vindeiros seminarios, manteñan sempre o espírito co que naceu e o caracteriza.
Os organizadores
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
