BURELA .- Sobre as 10 da mañá declarouse un incendio nunha das naves da lonxa de Burela que quedou controlado a primeira hora da tarde. Na extinción interviñeron bombeiros e persoal da maioría dos concellos da costa, de Alcoa, Absa, Portos de Galicia e unha lancha de salvamento. O gardamar Concepción Arenal bombeou auga ao teito da instalación. Non houbo danos persoais aínda que son cuantiosos os danos materiais. Durante as vindeiras horas permanecerá alí un retén dos bombeiros.
Notas de Prensa
1/2
ALFREDO LLANO ASEGURA QUE TODOS OS EFECTIVOS DO CONCELLO E DOUTRAS VILAS DA MARIÑA ESTÁN A TRABALLAR NA EXTINCIÓN DO INCENDIO QUE SE DECLARABA ESTA MAÑÁ NUNHA NAVE DA LONXA DE BURELA.
Burela, 22 de xullo de 2010 (FNC). O alcalde de Burela, Alfredo Llano, atópase nas inmediacións da lonxa. Nunha das naves declarábase un importante incendio esta mañá. O fume negro que sae do seu interior pode verse desde toda a vila e desde outros puntos da costa.
O rexedor contou que “sobre as 10 da mañá se declaraba o incendio, aínda que polo momento non sabemos onde deu comezo. Unha das naves da lonxa está ardendo, está saíndo un fume negro intenso como consecuencia do material de plástico para almacenaxe de peixe que había no seu interior. Están actuando os bombeiros e persoal de Absa (Armadores de Burela) e de Portos e estamos agardando a ver si se pode reducir o avance das llamas, aínda que será complicado”. Todos os efectivos en materia de extinción de incendios do Concello de Burela están a traballar no porto así coma outros chegados desde municipios limítrofes como Cervo.
Alfredo Llano considera que “o fume reflexa a importancia e a gravidade do incendio, hai que impedir que siga avanzando cara outros lugares. Estamos agardando por máis bombeiros para seguir a traballar na súa extinción. Cando se iniciou o lume nesta nave había persoas no seu interior, pero déulles tempo de saír… agora estáse evacuando o peixe e todo o material que se pode recuperar. Todos están a traballar para atallalo o antes posible”.
2/2
BOMBEIROS, GRUMIR E PERSOAL DE PROTECCIÓN CIVIL DA MARIÑA LUCENSE TRABALLAN PARA APAGAR UN LUME NUNHA NAVE NO PORTO DE BURELA
Burela, 22 de xullo de 2010. Dotacións de Emerxencias e de especialistas en extinción de incendios da Mariña traballan arestora para controlar e apagar un incendio que comezou sobre as dez da maña nunha nave industrial no porto de Burela. Nas labores de extinción están participando os efectivos de Protección Civil e os Grumires dos concellos de Burela, Cervo, Foz, Xove, así como efectivos do Centro de Incendios Forestais e da empresa Alcoa.
O incendio, que se orixinou na Asociación de Pescadores do porto de Burela, propagouse con rapidez polo tellado das dependencias do porto lugués, polo que se desprazaron ata o lugar, coordinados polo 112 e a Axencia Galega de Emerxencias (AXEGA) nove motobombas e dous remolcadores para levar a cabo as labores de extinción.
Nestes momentos o incendio atópase xa controlado. Os traballadores do dispositivo traballan agora sobre os focos visibles no teito da instalación.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
