Nota de Prensa
A PROVINCIA DE LUGO REXISTROU NO PRIMEIRO SEMESTRE DO ANO UN AUMENTO DO 13,8% NO VOLUME DE VIAXEIROS ALOXADOS EN ESTABLECEMENTOS HOTELEIROS RESPECTO DO ANO PASADO
O número de pernoitas durante os primeiros seis meses do 2010 incrementouse nun 10,69%
A respecto do último ano Xacobeo 2004, a cifra de viaxeiros na provincia de Lugo incrementouse nun 29,9%
No tocante ás pernoitas, a provincia de Lugo experimentou unha suba do 31% a respecto das rexistradas no primeiro semestre do último Ano Santo
Lugo, 17 de agosto de 2010.- A provincia de Lugo rexistrou durante o primeiro semestre do ano un incremento do volume aloxados en establecementos hoteleiros do 13,79% respecto do mesmo período do ano pasado, un comportamento que tamén se viu reflectido no caso das pernoitas, cun 10,69% máis.
Estes datos amosan unha dinámica positiva que se vén producindo dende o pasado mes de marzo, punto de inicio, ao igual que noutras provincias galegas, dunha secuencia consecutiva de incrementos interanuais tanto no volume de viaxeiros como nas pernoitas.
Respecto do último Xacobeo 2004, a provincia de Lugo supera tamén as grandes cifras de conxuntura hoteleira, isto é, de viaxeiros e pernoitas, nunha porcentaxe arredor do 30%, tanto no mes de xuño coma no semestre. A cifra de viaxeiros na provincia de Lugo incrementouse nun 29,9%. No tocante ás pernoitas, a provincia de Lugo experimentou unha suba do 31% a respecto das rexistradas no primeiro semestre do último Ano Santo.
Por puntos turísticos, a cidade de Lugo, acadou durante o mes de xuño un 10,03% máis de viaxeiros, e un 10% máis de pernoitas en comparación co ano pasado.
Datos de xuño
Atendendo ao mes de xuño, o número de viaxeiros aloxados en establecementos hoteleiros da provincia foi de 21,79% máis respecto do mesmo mes do ano pasado, e dun 19,57% no caso das pernoitas. En concreto, Lugo representa o 16,4% do total de Galicia.
Turismo rural
En canto aos viaxeiros aloxados nos establecementos de turismo rural da provincia de Lugo, rexistrouse durante o mes de xuño unha suba do 10,4% respecto do mesmo período do ano pasado.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
