Nota de Prensa
MARFIL SANTA COLOMA, RIVAL DO BURELA FS NO VI MEMORIAL CELSO CURRÁS DE TRABADA
O Marfil Santa Coloma, da División de Honra, será o rival do Burela FS na sexta edición do Memorial Celso Currás de Trabada, que terá lugar entre o sábado 21 e o domingo 22 de agosto.
Os rapaces de Suso Rey serán os encargados de estrear o torneo, nas semifinais do sábado, fronte aos barceloneses, vixentes campións do memorial; será ás 18.30 horas, no pavillón municipal. Xacobeo 2010 Lobelle de Santiago e Reale de Cartagena, tamén de Honra, completarán o repertorio, na segunda semifinal, ás 20.30 horas.
Este será o segundo encontro dos mariñáns ante o Marfil Santa Coloma esta semana. O primeiro foi o martes, na Semana Eypar de Melide, no que os laranxas non puideron impoñerse aos barceloneses (3-2) a pesar da súa excelente segunda parte.
O domingo o mellor fútbol sala clausurará unha xornada repleta de actividades, coa gran final entre os gañadores da primeira fase, a partir das 20.30 horas. Ás 12.00 a piscina municipal acollerá unha festa acuática e, pola tarde, o equipo local, Concello de Trabada FS, presentarase oficialmente nun amigable ante o Jim Sports Melide FS (18.30).
A entrada custará 5 euros por día, coa posibilidade de adquirir un bono para todo o torneo, por 6 euros. Para os/as menores de 12 anos o acceso será gratuíto.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
