O PP culpa ao goberno central de “comportarse como un obstáculo no proceso de regularización de embarcacións”
Nota de Prensa
Elena Espinosa, Ministra de Medio Ambiente, Medio Rural e Mariño recoñeceu nunha visita a Vilagarcía que só o Executivo central é a administración competente para resolver estes inconvenientes
O PSdeG PRETENDE ESCORRER O VULTO CULPANDO A XUNTA CANDO É O GOBERNO CENTRAL QUEN ESTÁ A COMPORTARSE COMO UN OBSTÁCULO NO PROCESO DE REGULARIZACIÓN DE EMBARCACIÓNS
* Informes do Ministerio de Medio Ambiente e Medio Rural e Mariño impiden ditaminar favorablemente a regularización de 562 solicitudes
* O voceiro do Mar do PPdG insta a Marisol Soneira a dimitir por pedirlle á Xunta que prevarique e por ocultar que é o Ministerio o que impide cos seus informes a regularización de moitas embarcacións
* Balseiro lembrou que foi a propia Ministra de Medio Ambiente, Medio Rural e Mariño Elena Espinosa quen afirmou que a administración autonómica é incompetente neste ámbito
* O PPdG reclama o cese do dobre discurso que manexan os socialistas neste asunto, xa que aquí din querer solucionar o proceso e en Madrid votan en contra dunha proposición de lei do Grupo Popular no Congreso que achegaría unha saída ás embarcacións a regularizar
Santiago, 12 de agosto de 2010.- O voceiro do Mar do Grupo Parlamentario Popular, Jose Manuel Balseiro considera vergoñenta a actitude do PSdeG-PSOE que pretende “escorrer o vulto” no tocante á problemática xurdida coa regularización das embarcacións pesqueiras culpando á Xunta nun ámbito de competencia do Goberno do Estado e polo que a administración socialista central meteu á flota nun “calexón sen saída” mentres se negue a resolvelo.
Balseiro subliñou que desde o primeiro momento o PSOE intenta eludir a responsabilidade do Goberno central neste ámbito pero todos os homes e mulleres do mar que tramitan a regularización das súas embarcacións son “plenamente conscientes de que quen está a comportarse como un obstáculo en todo este proceso é a propia administración central”. De feito, o voceiro popular lembrou que a razón pola que 562 solicitudes recibiron unha comunicación desfavorable para a súa regularización en Galicia radica nun informe negativo da Secretaría General del Mar, dependente do Ministerio de Ministerio de Medio Ambiente e Medio Rural e Mariño.
A este respecto, o parlamentario popular pediu a dimisión de Marisol Soneira por “ser inconcibible que unha representante pública lle pida a unha administración que prevarique”, toda vez que a Xunta non se pode apartar do informe emitido por Madrid. Neste senso, Balseiro tamén se preguntou que leva a Marisol Soneira a ocultar a existencia destes informes e a atacar á Consellería do Mar cando coñece, ou debera coñecer estes documentos e as competencias que cada administración ten neste proceso. Unha vez máis, o voceiro popular instou á parlamentaria socialista a cambiar de asesora, xa que “só a leva de erro en erro, o que lle está fomentando unha imaxe de persoa desinformada e carente de rigor”
O GOBERNO CENTRAL, ÚNICO COMPETENTE
Jose Manuel Balseiro insistiu na “desvergoña” que preside as declaracións dos socialistas neste asunto, xa que os trámites políticos para o desbloqueo desta situación “só os pode facer Madrid”, porque é da súa estrita competencia. Neste senso lembra que foi a propia Ministra de Medio Ambiente, Medio Rural e Mariño Elena Espinosa quen, con ocasión dun encontro co sector durante unha visita a Vilagarcía de Arousa celebrada o 23 de maio de 2005 deixou claro que só a administración central e os seus órganos dependentes “son os competentes para resolver este proceso, toda vez que subliñou que a administración autonómica é incompetente neste ámbito”. Amais, tamén apuntou ao dobre discurso que manexan os socialistas, xa que aquí din querer solucionar o proceso e en Madrid votan en contra dunha proposición de lei do Grupo Popular no Congreso que achegaría unha saída ás embarcacións a regularizar.
Por todo isto, o portavoz de asuntos marítimos non comprende “que intereses moven ao Goberno socialista central para deixar fóra da lei e impedir o despacho de máis de medio millar de embarcacións galegas” e moito menos que “sendo eles os que están a obstaculizar todo o proceso, salgan agora desde o PSdeG reclamando que a Xunta dea solución a unha problemática que eles mesmos xeraron”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
