NOTA DE PRENSA:
A costeira desenvólvese desde principios do mes de xuño e ata mediados do mes de outubro e nela participan embarcacións procedentes de moitos portos galegos
O PPdeG INTERÉSASE POLAS MEDIDAS QUE A XUNTA DISPÓN EN APOIO DA FLOTA BONITEIRA
* Os populares recomendan aos consumidores galegos a incorporar aos seus menús o bonito do norte identificado coa etiqueta verde, porque estarán escollendo un peixe capturado con métodos artesanais rigorosamente respectuosos co medio mariño, nunha época na que chega fresco aos portos galegos e con excelentes características nutricionais que o converten nun prato moi san
Santiago, 12 de agosto de 2010.- Desde principios do mes de xuño e ata mediados do mes de outubro, ducias de embarcacións galegas participan na costeira do bonito, tarefa na que contan coa colaboración da Consellería do Mar que pon en marcha todo un operativo de apoio técnico e loxístico en beneficio das tripulacións que se atopan en alta mar. Para coñecer o funcionamento deste operativo, os medios que participan e as valoracións que fan desde a Xunta de Galicia do desenvolvemento desta costeira o Grupo Parlamentario Popular a través do seu portavoz do Mar, José Manuel Balseiro, rexistrou unha iniciativa na Cámara galega.
O portavoz popular de Asuntos Marítimos tamén quere coñecer o impacto que na presente costeira está a ter a campaña de promoción “Faino bonito” na que a Xunta distribuíu 150.000 etiquetas plásticas de cor verde nos portos de Burela, Celeiro, A Coruña e Vigo, para identificar o bonito do Norte, con carácter previo á súa comercialización, de tal xeito que poida ser escollido de forma preferente polos consumidores. A campaña promocional inclúe tamén o reparto de 60.000 trípticos de man, 500 carteis e 300 folletos nos puntos de venda das superficies de alimentación que se sumaron á iniciativa e peixerías.
O MELLOR MOMENTO PARA O SEU CONSUMO
Dende o Grupo Parlamentario Popular queren recomendar aos consumidores galegos a apostar polo consumo do bonito identificado coa etiqueta verde na súa cola, porque non só estarán escollendo un produto con excelentes garantías hixiénicas e nutricionais, senón tamén apostando por un peixe capturado de xeito individual, e con métodos artesanais rigorosamente respectuosos co medio mariño. Balseiro lembra ademais que nos meses de verán o bonito chega fresco aos nosos portos polo que é o mellor momento para degustalo e incorporalo aos menús. Insiste o portavoz popular do Mar nas excepcionais características nutricionais deste túnido, que o converten nun peixe moi san, rico en omega-3, que axuda a reducir dun xeito natural os niveis de colesterol, e cheo de proteínas e vitaminas como a A, B, D e K que ofrecen unha mestura perfecta entre sabor e saúde.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
