Nota de Prensa
Antonio Veiga asistiu á inauguración da XXV Feira do Libro de Foz
No acto, o escritor Xosé Neira Vilas leu o pregón e a Federación de Libreiros Galegos rendeu unha homenaxe ao fundador do evento, Jesús Fernández López, coñecido como Suso do Bahía
Veiga visitou na feira a caseta do servizo de publicacións da Área de Cultura
Foz, 19 de agosto de 2010. O delegado de Cultura e Deportes da Deputación, Antonio Veiga, asistiu esta tarde á inauguración da XXV Feira do Libro de Foz e visitou nela a caseta do servizo de publicacións da área da que é responsable, ademais de conversar cos libreiros e vendedores dos 10 expositores que participan na mostra. O escritor Xosé Neira Vilas foi o encargado de ler o pregón de apertura, e posteriormente a Federación de Libreiros de Galicia rendeu un especial homenaxe a Jesús Fernández López, coñecido no concello como Suso do Bahía, que fundou a Feira do Libro focega e impulsou o evento ao longo dos 25 anos que leva celebrándose.
Antonio Veiga lembrou que “a Área de Cultura da Deputación colabora este ano, por primeira vez dende hai tempo, coa celebración das Feiras do Libro que se organizan na provincia de Lugo”. Explicou que “en Foz, tal como noutros concellos como Lugo e Viveiro, a Área ten unha caseta propia na Feira do Libro para mostrar o seu catálogo de publicacións aínda que, para non producir un agravio nas vendas dos libreiros que participan na feira, os da Área non están á venda”.
Este servizo de publicacións, tal como explicou o delegado, “realiza un importante e valioso traballo xa que, dende que entramos no goberno, as obras que se editan cumpren cuns obxectivos moi definidos e constitúen estudos baseados na provincia de Lugo, e poden deste xeito contar cunha edición de calidade e un oco nas librerías, xa que pola vía comercial non acadarían o número de vendas mínimo”. Veiga manifestou de novo “o apoio que a Área de Cultura brinda ao sector do libro, que é un dos que tamén se ven afectados pola crise” e deu os parabéns “á Federación de Libreiros Galegos que fai posible a celebración deste tipo de eventos”.
O pregón de Xosé Neira Vilas, que foi escoitado por un numeroso público, consistiu nun interesante repaso á historia do concello de Foz no que o autor de “Memorias dun neno labrego” explicou a relación que con este concello tiveron escritores tan importantes para as letras do noso país como son Noriega Varela, Vilar Ponte ou Luís Seoane. A banda de música do concello tamén participou no acto, e a xornada inaugural pechouse co encontro que mantivo o escritor e pregoeiro cos seus lectores, aos que asinou algunhas das súas obras, e co sorteo dun lote de libros. A mostra permanecerá aberta ao público de 17:30 a 22:00 horas na praza Conde de Fontao ata o vindeiro domingo día 22.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
