A traizón de Zapatero: O PSOE é sinónimo de paro
Tiveron que pasar dous anos e dous millóns e medio de parados máis para que o Goberno ZP asumira que unha reforma laboral é necesaria. Moitas das persoas que hoxe perderon o seu traballo pregúntanse se non só foi consecuencia da crise, senón tamén pola indecisión, mala xestión e a arrogancia do Executivo socialista.
Desde o Partido Popular sempre defendemos o positivo de promover unha reforma laboral, pero nunca unha como esta, que non foi capaz de convencer nin aos traballadores, nin aos emprendedores, nin aos expertos, nin aos sindicatos que, tras anos de pechar os ollos, convocaron unha folga xeral. Agora que por fin fan algo o Goberno socialista non só chega tarde, senón que ademais actúa mal.
Hoxe máis que nunca os cidadáns constatamos a defunción do proxecto político de Zapatero, que tumba algúns dos seus piares fundamentais ao abaratar o despido unilateralmente e reducir as prestacións sociais. Pero o que aínda resulta máis grave é que a reforma laboral socialista non está formulada para contratar, senón para despedir. Fai só uns meses no PSOE dicían que abaratar o despido non era o camiño para crear emprego, algo que agora esquecen incluso a sabendas de que non vai servir de nada, salvo para seguir facendo pagar o prezo da crise aos cidadáns.
No PSOE perderon o rumbo e chegan incluso a xustificar as palabras do seu líder cando afirmaba que un desempregado que fai cursos non está en paro senón que traballa para España. O Goberno socialista está máis preocupado en maquillar os datos do paro que en resolvelo. De aí que non sexa casualidade que o primeiro ministro que anuncia o abandono do barco de Rodríguez Zapatero sexa o do emprego. Cada vez están máis solos, cada vez dan máis ás costas aos cidadáns.
Os populares non nos conformamos con que Galicia, segundo os últimos datos coñecidos, fora unha das Comunidades nas que menos sobe o paro e só descansaremos cando entre todos consigamos rematar con esta lacra. O PP converteuse na única alternativa para o cambio, a única crible, porque xa demostramos que na responsabilidade de Goberno é posible ser líderes en xeración de empregos e non como agora, con ZP, líderes europeos en paro.
Os populares asumimos un compromiso claro: seguiremos traballando para minorar a forza dos golpes que lanza o Goberno central contra os cidadáns, e para crear unha alternativa sólida. Estamos convencidos de que a única fórmula para xerar emprego pasa porque Zapatero perda o seu. A Mariña, Galicia, España precisan repoñerse das erradas políticas socialistas. Hoxe resulta un feito demostrado improvisando unha vez máis, os socialistas fan pagar a crise a desempregados, traballadores, á xuventude e aos xubilados. Poñamos fin á traizón de Zapatero, digamos non ás políticas do PSOE que se teñen convertido en sinónimo de paro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
