O Alcalde deu por feito que o Goberno municipal acometería esta actuación en 2007 e en 2008 pero os veciños agardan pola finalización dunhas obras que segundo anunciou o rexedor socialista se executarían con fondos estatais, provinciais e incluso achegas municipais
DESPOIS DE TRES ANOS DE PROMESAS INCUMPRIDAS O PP PREGUNTA A GARCÍA RIVERA: ¿CANDO VAI CHEGAR A AUGA DA TRAÍDA MUNICIPAL Á HERMIDA EN SAN MARTIÑO?
* A negativa de García Rivera a proporcionar unha copia do proxecto e da certificación número 1 e final aos edís do Grupo popular, pese a tela solicitada formalmente, levoulles a desprazarse ata a zona para saber que actuacións alí se tiñan desenvoltas e corroborar unha vez máis que o Alcalde faltou a súa palabra.
Foz, 20 setembro de 2010.- O Grupo Municipal do Partido Popular, a través do seu portavoz, Pedro Fernández Manín, pregúntase cando vai a chegar a auga da traída municipal ata o barrio da Hermida na parroquia de San Martiño, despois de que os veciños da zona estean a ser protagonistas de anos de promesas incumpridas por parte da Alcaldía. Os populares lembran que García Rivera deu por feito en diversas ocasións que o Goberno municipal que el preside executaría as obras necesarias para que o abastecemento de auga da rede municipal chegara ata a Hermida, pero a día de hoxe seguen agardando por este servizo.
TRES ANOS DE PROMESAS INCUMPRIDAS
Hai que remontarse ata o mes de setembro de 2007, tres anos atrás, para atoparse coa primeira promesa de García Rivera quen daba por feito na prensa que se proporcionaría auga da traída municipal a preto de 50 veciños desta localidade. Novamente en agosto de 2008 o sr. alcalde anunciaba que tiñan previsto executar “todas as obras que foran necesarias” e incluso comprometía un investimento de preto de 56.000 euros “que se financiarían con cargo ao POS e, polo tanto, con achegas do Goberno central, provincial e do propio concello”. En ambas ocasións o rexedor socialista incumpría as súas promesas, incluso despois de ter cualificadas estas actuacións como unha obra modelo, como “o perfecto exemplo do traballo diario que se executa desde o Concello”. En resume, segundo os populares, tres anos despois da primeira promesa queda acreditado que o único que se fixo por estes veciños foi “palabrería e propaganda”, dúas notas que se están a converter, “por deméritos propios”, nas principais características da xestión municipal do Goberno de García Rivera.
ESCURANTISMO SOSPEITOSO DA ALCALDÍA
O Grupo Municipal do Partido Popular, ante a tardanza na prestación deste servizo interesouse pola execución das obras comprometidas pola Alcaldía e solicitou formalmente –cun escrito selado no rexistro municipal en data 24 de novembro de 2009- a copia do proxecto e da certificación da obra. A petición, para non variar coma na maioría das solicitudes, non obtivo resposta o que levou a sospeitar aos edís do Grupo Popular que existía algún motivo para incorrer por parte do Goberno municipal en este escurantismo. Por todo iso varios concelleiros populares desprazáronse ata a zona para supervisar as actuacións que alí deberan executarse e corroboraron, que alí non chegaba a auga municipal e que unha vez máis, o Alcalde faltou á súa palabra e enganou a estes veciños, dado que do prometido solo está feito parte.
. . . / . . .
. . . / . . .
UN ALCALDE SEN CREDIBILIDADE
Os populares lamentan que o Goberno municipal non executaran esta obra do subministro de auga ao núcleo da Hermida, máxime cando é un dos poucos espazos de todo o municipio que aínda non gozan deste subministro. Os veciños desta poboación que forma parte da parroquia de San Martiño fan polo momento uso da auga procedente de fontes e mananciais particulares que corren o risco de ir secándose. De aí a importancia de acometer unhas obras “mil veces prometidas e mil veces incumpridas”. Nesta liña os populares sospeitan que como o 2010 é ano electoral, volverán a escoitar a promesa en voz do rexedor socialista, malia que unha vez máis, “serán palabras que leve o vento, desprovistas de toda credibilidade, como é habitual cas promesas do Sr. García Rivera”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
