Nota de prensa:
43 SEGUNDOS DE MÁIS PARA O RIBADEO NA SÚA VISITA A VEDRA
Ao Panificadora del Eo-Ribadeo sobráronlle 43 segundos para traer o primeiro punto como visitante, no seu desprazamento a Vedra ante o FSF Mesón Río Ulla (3-2). A fortuna non acompañou as mariñás no minuto final, que tiveron que asistir ao 3-2 definitivo sen tempo para reaccionar.
Na devandita cita o FSF Mesón Río Ulla non demostrou ser o equipo que ocupa a terceira posición de Autonómica. Saíron as ribadenses cunha defensa pechada, pero aos poucos subiron as súas liñas e crearon perigo ante a portería local. Así, Elvira, Eva, Sofía e Fátima tiveron ocasións de adiantar o seu equipo na primeira metade, pero unhas veces por boas intervencións da porteira e outras por desatino, o Ribadeo non puido irse ao descanso con vantaxe.
Na continuación as cousas cambiaron. O Ribadeo estirou as súas liñas e o partido estivo máis aberto; no minuto 25, Fátima subiu o 0-1, nunha xogada persoal, desbordando a rival e axustando un tiro raso ao primeiro pau. Pero axiña chegou o empate, no minuto 28, cun disparo desde doce metros de María que se coou pola escuadra dereita da portería ribadense, defendida por Carla na segunda metade. Tres minutos máis tarde, nun erro defensivo o balón coouse lentamente na meta empuxado por Cris.
Con 2-1, o Panificadora tirou de coraxe e, cando se dispuña a atacar de 5, Elvira conseguiu empatar a falta de dous minutos, dun tiro forte colocado ao segundo pau nas inmediacións da área local. As opcións mariñás desapareceron co 3-2, de Naty.
Desde a décima praza, o Ribadeo recibirá o vindeiro sábado (18:30 horas) o Cidade de Ourense, segundo clasificado, filial do potente Ponte Ourense da División de Honra.
Provincial masculino. O Ribadeo FS resolveu a visita do Meigallos sarriao con empate (1-1). Con este punto, os mariñáns mantéñense na cuarta posición con 7 puntos, a 2 dos colíderes Becerreá, Cidade de Viveiro e Area 10. Castroverde será o destino para os mariñáns a próxima fin de semana.
Ficha técnica
FSF Mesón Río Ulla: Alejandra, Vanesa, Cris, Nerea e Naty, cinco inicial; tamén xogaron Bego, María, Cristina e Aroa.
Panificadora del Eo-Ribadeo FS: Vanessa, Eva, Elvira, María e Fátima, cinco inicial; tamén xogaron Sofía, Iria, Yoli, Marta e Carla.
Goles: 0-1, minuto 25, Fátima; 1-1, minuto 28, María; 2-1,minuto 31, Cris; 2-2, minuto 38, Elvira; 3-2, minuto 39, Naty
Árbitros: Pájaro Gómez e Losada Sánchez (anotador), de Santiago
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
