Nota de prensa:
Os Ministros de Xustiza e Fomento, xunto a outras 25.000 persoas, coñecen a @ da Deputación
– Dos miles de visitantes á aula formativa sobre a e-administración, un 70% foron da provincia, un 12% da Coruña, e os restantes de fóra de Galicia
– Logo do éxito acadado, a @ remata a súa estancia na capital este martes para trasladarse a Mondoñedo con motivo das festas de San Lucas
O Presidente da Deputación, José Ramón Gómez Besteiro, presentoulle este luns ó Ministro de Xustiza, Francisco Caamaño, o Innova-TE, o programa tecnolóxico dotado de 9 millóns de euros, -co-financiado nun 70% pola Unión Europea e nun 30% polo INLUDES-, co que o organismo provincial logrará a total implantanción da e-administración na provincia lucense nun tempo récord de menos dun ano. Deste xeito, aproveitando a visita do Ministro á capital con motivo das festas do San Froilán, Caamaño interesouse por coñecer a @, a aula itinerante de formación coa que a Deputación está a achegar a administración electrónica ós cidadáns ante a súa vindeira chegada a Lugo en 2011.
Gómez Besteiro, acompañado polo Ministro de Xustiza e o Alcalde de Lugo, José López Orozco, fixo de anfitrión da comitiva oficial durante o seu percorrido pola aula formativa de 230 metros cadrados en forma de @ situada a carón das instalacións da Policía Local lucense. O Presidente subliñou o éxito desta iniciativa que visitaron, dende a súa apertura o pasado sábado, o Ministro de Fomento, José Blanco, e outras 25.000 persoas. Destas, o 70% foron cidadáns da provincia, o 12% da Coruña, e o restantes de fóra de Galicia. Todos eles puideron coñecer coa @ as avantaxes da e-administración, así como sensibilizarse coas novas tecnoloxías mediante talleres, xogos, sorteos tecnolóxicos e mesmo simuladores de última xeración.
Da mesma forma, ó igual que fixo o Ministro de Fomento, Caamaño tamén quixo visitar a pioneira aula formativa adicada á agrogandería onde se estan a expoñer as experiencias propias dunha “e-granxa”, así como os innovadores produtos de dúas empresas do campo lucense.
Este martes, 12 de outubro, será o último día da estancia dos espazos tecnolóxicos da Deputación que contarán co seguinte horario ó publico: dende ás 12:00 horas ás 14.30 pola mañá, e de 16:30 ás 22:00 horas pola tarde. Logo, a @ trasladarase a Mondoñedo para estar presente nos festexos de San Lucas.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
