Nota de Prensa
ANTONIO VEIGA VISITOU A BARRACA DE BARRIGA VERDE NAS SAN LUCAS DE MONDOÑEDO
A reprodución de Tintimán Audiovisual e Viravolta Tïteres do mítico monicreque creado por Xosé Silvent xa amenizou o San Froilán e atópase en Mondoñedo dende o principio das San Lucas
MONDOÑEDO, 17 de outubro de 2010. O delegado de Cultura da Deputación de Lugo, Antonio Veiga, visitou esta mañá a reproducción da caseta de Barriga Verde. Na visita tamén estivo presente Comba Campoy, directora de produción do documental que se gravará nas vindeiras semanas coa barraca de protagonista: “Os Mundos de Barriga Verde”.
Tras permanecer na praza da Soidade lucense o pasado San Froiláan, a barraca está instalada na praza da Catedral de Mondoñedo ata o 20 de outubro, e realiza funcións tódolos días a partires das 12 da mañá. Grazas este proxecto apoiado pola Área de Cultura da Deputación esta barraca trouxo ás rúas de Lugo e Mondoñedo unha figura que os cidadáns e cidadás lucenses maiores de 40 anos aínda lembran, e que tiña reservado todos os anos un oco nas festas do San Froilán, ademais das San Lucas mindonienses ou o San Roque de Ribadeo.
A Área de Cultura da Deputación de Lugo colabora con este proxecto, tanto de xeito económico mediante a achega de 15000 euros, como dando apoio loxístico e de difusión do proxecto. A iniciativa inclúe a gravación dun documental: “Os Mundos de Barriga Verde”, que recollerá de xeito audiovisual a xira que a barraca está a realizar por municipios lucenses. O documental que realizará Tintimán audiovisual gravará estes espectáculos mailas testemuñas de familiares de Xosé Silvent, e de varios galegos e galegas que aínda gardan na súa memoria as lembranzas da orixinal. O documental rematarase na primavera do vindeiro ano. Deste xeito, o proxecto, titulado “Nos Mundos de Barriga Verde”, contribuirá a reforzar a labor de divulgación deste personaxe senlleiro da cultura galega. Viravolta Títeres son os encargados de dar vida aos personaxes do espectáculo: Barrigaverde, o Demo ou o Cura.
Durante a permanencia da Barraca no San Froilán lucense, recibiu a visita de Alfonso e Juan Silvent, e este último tamén se atopaba hoxe en Mondoñedo. Son fillos de Xosé Silvent, a quen se lle denomina como o pai fundador do teatro galego de bonecos. A saga dos Silvent continua viva nas festas populares. Xosé Silvent (Badaxoz, 1890) dotou de vida ao neno de madeira que ficaría durante décadas nas memorias das xentes das distintas comarcas lucenses. Dende a etapa republicana e ata ben entrados os sesenta, o nome de Barriga Verde era celebrado en todos os recantos de Galiza e a chegada á aldea de “Xosé dos Bonecos” era, para moitos galegos e galegas, unha poderosa razón para mudar as adversidades diarias polo festexo. Xosé Silvent marchou aos 15 anos dende Badaxoz a Portugal para probar sorte. Alí entrou en contacto co teatro dos fantocheiros, cuxo personaxe estrela era un boneco de porra chamado Dom Roberto: este monicreque foi a razón da xénese de Barriga Verde.
Pouco despois, Silvent instálase na vila pontevedresa de Lérez, onde funda unha familia que viviu por e para a farándula. Dende entón e ata que o corpo llo permitiu, recorreu Galiza de aldea en aldea, levando por onde ía o seu espectáculo. O home, máis coñecido como Barriga Verde ou Xosé dos Bonecos, retirouse do mundo da farándula en 1964 e faleceu en 1970: converteríase no único caso de bonecos en Galiza ata 1979.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
