Nota de Prensa
A Deputación iniciará no último trimestre do ano o asesoramento a PEMES para innovación en benestar social
– Esta iniciativa, incluída dentro do CIS, permitirá aforrar cartos ás empresas, xa que funcionará como plataformas de investigación na que poderán probar produtos adaptados ás necesidades sociais antes de lanzalos ó mercado
– Máis de 400 lucenses en paro realizaron a proba teórica para optar ós 27 empregos que ofrece o Centro de Innovación Social que se instalará na Fundación TIC
– Rematado o proceso selectivo deste “Programa Innovador de Mellora de Emprego”, os seleccionados recibirán unha intensa formación de forma gratuita para os seus postos de traballo
O Pazo de Feiras e Exposicións de Lugo acolleu este mércores a proba teórica do proceso de selección do persoal que traballará no Centro de Innovación Social (CIS), e que porá en marcha a Deputación nas instalacións da Fundación TIC ó abeiro do Plan Avanza que cofinancia o Ministerio de Industria, Comercio e Turismo e conta cun investimento de 1,5 millóns de euros.
As 404 persoas en paro que optan ós 27 postos de traballo que ofrece este “Programa Innovador de Mellora de Emprego” realizaron a proba, cuxos resultados publicaranse os vindeiros días tanto na páxina web como no taboleiro de anuncios para iniciar no último trimestre do ano as actividades de asesoramento en innovación e investigación a PEMES, co obxectivo de desenvolver iniciativas que permitan mellorar a calidade de vida das persoas, especialmente da terceira idade e dependentes, un colectivo moi numeroso na provincia.
Neste senso, o CIS plantéxase como un “laboratorio do cidadán”, é dicir, unha plataforma de investigación na que traballarán conxuntamente empresa, asociacións públicas e privadas, universidades, institutos e cidadáns para probar produtos adaptados ás necesidades sociais, antes de lanzalos ó mercado. É o caso de manuais para axilizar as capacidades mentais, aparellos que melloren as deficiencias visuais e auditivas, cadeiras adaptadas, etc.
Deste xeito, o organismo provincial aforrará cartos ás PEMES, xa que lles supón un grande gasto atopar servizos específicos e vense na obriga de recurrir a unha subcontrata que teña grandes infraestruturas e persoal cualificado para acadar o produto axeitado. O CIS da Deputación solucionaralles este problema.
Formación específica en innovación empresarial
Os seleccionados serán contratados por un período de 12 meses a xornada completa en postos como conserxes, persoal de oficina, licenciados en Ciencias Económicas ou Dirección e Administración de Empresas, diplomados en Humanidades, Educación Social, Imaxe e Son, e ata axentes dinamizadores Multimedia e TIC, ou de Benestar Social. Ademais, todo o equipo recibirá formación específica en innovación empresarial para o seu posto de traballo, como paso previo ó inicio das actuacións a executar ó longo de toda a provincia, traballando dende o nivel máis básico con todos os sectores da poboación.
Deste xeito, a Deputación, ademais de crear emprego, tamén fomentará o avellentamento activo e impedirá o illamento dos lucenses. En España só existen outras infraestruturas semellantes en Cataluña, Bilbao e Guipuscua.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
