Nota de prensa:
ADEGA E A COOPERATIVA RAINHA ORGANIZAN UNHA FESTA ECOLÓXICA PARA O DÍA INTERNACIONAL DAS SOLUCIÓNS CLIMÁTICAS 10/10/10
Quilmas, 8 de outubro de 2010.-
O 10 de outubro, Día internacional para as solucións climáticas (10/10/10), ADEGA e a Cooperativa Raínha Lupa de Quilmas organizan unha festa ecolóxica para a promoción de produtos locais e de cultivo ecolóxico como acción de proposta para un planeta mais sostíbel e con menos emisións de gases contaminantes
A cooperativa Rainha Lupa , nace da resposta social contra a ampliación da planta de piscicultura que nesta localidade opera (Stol Sea Farm) e que pretende ocupar 30 hectáreas máis das agras dos veciños e veciñas do lugar para substituír a terra cultivada por criadoiros de peixes cubertos de plástico. A cooperativa Raínha Lupa traballa para que a coxestión veciñal e a participación social no cultivo da terra predomine sobre a xestión multinacional e o colonialismo económico.
Con esta festa promocionaranse os produtos locais cultivados na Cooperativa, de xeito respectuoso co ambiente, como alternativa ao consumo de alimentos vindos de algures con grande gasto de CO2 acumulado en transporte, adubos e pesticidas. Tamén proxectarase o documental SALMONOPOLY que visa sobre a problemática das granxas de peixes no mundo, seguido dun coloquio-debate.
Nese mesmo día, pecharase o curso de apicultura que comezou a pasada primavera, cata do mel acompañada dunha charla sobre a importancia ambiental das abellas e a súa transcendente función polinizadora.
Este é o lema e obxectivo:
Por un consumo de proximidade, responsábel e saudábel. Pola defensa das sementes autóctonas e da biodiversidade dos produtos agrícolas. Polo coñecemento e respecto á cultura propia e tradicional, vamos convocar aos habitantes da zona e moitos máis para compartir con eles hábitos de vida que axuden a reducir o nivel de CO2 da atmosfera e a contaminación en xeral.
Para os que queiran participar deberán chamar ao 982240299 ou ao 686701344.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
