Nota de prensa:
BARREIROS ACOLLERÁ O VINDEIRO 6 DE NOVEMBRO VARIOS CURSOS DE CONDUCIÓN EFICIENTE. ESTÁN ORGANIZADOS POLA FUNDACIÓN SOTAVENTO GALICIA E CONTAN COA COLABORACIÓN DO CONCELLO.
Barreiros, 27 de outubro de 2010. Barreiros acollerá varios cursos de condución eficiente o vindeiro 6 de novembro. O Concello de Barreiros en colaboración coa Fundación Sotavento Galicia iniciará unha nova proposta formativa consistente na organización e posta en marcha dunha serie de cursos encamiñados a realizar un uso máis racional dos vehículos. Esta acción pedagóxica tratará de fomentar un novo estilo de condución dos turismos, co que se obteñen diminucións medias no consumo de combustible de ata o 15 % sobre a condución convencional, mellorando ademais, a seguridade viaria e o confort.
A Fundación Sotavento Galicia ten entre os seus obxectivos principais a divulgación das enerxías renovables e o aforro e a eficiencia enerxética entre toda a poboación. Os cursos de condución eficiente na provincia de Lugo están dentro das múltiples actividades que desenvolve.
Segundo o IDAE, se todos os condutores e condutoras empregásemos as técnicas de condución económica, no noso país aforraríanse 2.555 millóns de litros de combustible, o que supón que poderían circular gratis 2,6 millóns de automóbiles e aforraríanse 2.134 millóns de euros cada ano (unha media de 136 euros por condutor). A isto hai que sumarlle os enormes beneficios medio ambientais que pode supoñer realizar unha condución eficiente. Con iso lograríase unha redución das emisións de CO2 de 6,3 millóns de toneladas, equivalentes a plantar 48 millóns de árbores en España que ocuparían o 20% da superficie da provincia de Pontevedra ou o 45% da de Guipúscoa. A isto engádese o grave problema da contaminación acústica: o ruído provocado por un coche a 4.000 rpm, equivale ao de 32 vehículos a 2.000 rpm.
O obxectivo destes cursos de condución eficiente é realizar un uso máis racional do vehículo e ofrecer un novo estilo de condución para promover un cambio de actitude nos usuarios e usuarias. Teñen 2 horas de duración e ofrecen contidos teórico-prácticos. Levaranse a cabo nun percorrido de aproximadamente 5 – 7 km. O curso contará con monitores expertos que explicarán as técnicas ao volante para aproveitar a eficiencia enerxética dos vehículos actuais. Os alumnos/as terán a posibilidade de comparar a influencia das técnicas de condución eficiente no consumo de combustible mediante unha proba práctica antes e logo da sesión teórica.
O número de alumnos/as por vehículo será como máximo de catro. As roldas de condución serán de quince minutos por persoa, segundo a organización.
O curso complétase coa entrega de material de apoio, no que se inclúe un manual de condución eficiente e un folleto informativo no que se explican os principais criterios e vantaxes da condución eficiente, así como un diploma acreditativo da participación no mesmo. Os cursos son completamente gratuítos e están dirixidos ás persoas que empreguen o vehículo privado habitualmente. O único requisito é levar o orixinal e unha fotocopia do permiso de conducir o día do curso.
A proposta, encádrase dentro das medidas de uso máis eficiente dos medios de transporte, no Plan de Acción 2008-2012 da Estratexia de Aforro e Eficiencia Enerxética en España (E4) que canaliza o Instituto para a Diversificación e Aforro de Enerxía (IDAE) a través do INEGA.
Es posible que tu navegador no permita visualizar esta imagen.
O Concello de Barreiros levará a cabo estes cursos o 6 de novembro de 2010. Calquera persoa ou entidade interesada deberá inscribirse a través do teléfono 982 12 40 02.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
