NOTA DE PRENSA
Emilio Lousas satisfeito coas previsións contidas nas contas elaborados polo Executivo que preside Alberto Núñez Feijoo
O ALCALDE VALOROU MOI POSITIVAMENTE OS INVESTIMENTOS COMPROMETIDOS NOS ORZAMENTOS DA XUNTA PARA O SEU CONCELLO
* A Consellería de Traballo e Benestar fará realidade na vindeira anualidade a nova escola infantil do concello e investirá na vivenda comunitaria.
* Tamén existe consiganción orzamentaria para solo industrial, e se prevé investir nos espazos da Rede Natura, nos camiños principais da concentración parcelaría Val de Alfoz e no polígono empresarial.
Alfoz, 24 de outubro de 2010.- O Alcalde de Alfoz, Emilio Lousas, valorou moi positivamente os investimentos comprometidos para o seu concello nos orzamentos da Xunta para 2011 . O rexedor significou que as contas elaboradas polo Executivo que preside Alberto Núñez Feijóo permitirán facer realidade dous dos proxectos máis esperados no ámbito dos servizos de benestar: a escola infantil e a vivenda comunitaria. Emilio Lousas lembrou as xestións desenvolvidas nos pasados meses ante a Secretaría Xeral de Familia e Benestar e agradeceu a súa receptividade “ xa que hoxe se materializa en compromisos de financiamento concretos polos que non podemos máis que felicitarnos”.
O rexedor municipal lembrou que as contas autonómicas para o ano próximo achegarán 210.000 euros para a gardería local, un servizo de grande importancia sobre todo no eido la atención aos máis novos e da conciliación da vida laboral e familiar. Ademais a Xunta investirá 146.000 euros na vivenda comunitaria sita no concello.
Outras actuacións comprometidas pola Xunta no municipio e que verán a luz ao longo da próxima anualidade son as achegas para a reparación da rede de camiños principais da concentración parcelaria Val del Alfoz, os 17.575,20 destinados para a Rede Natura e os 11.232,08 euros para o fomento do solo industrial. Xestur Lugo, empresa pública promotora do polígono industrial reserva ademais un total de 3,9 millóns de euros para a etapa A do Polígono Industrial Alfoz-Valadouro.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
