NOTA DE PRENSA
“Como o alcalde parece que non se aclara nin se enteira” remitiulle copia do escrito do Ministerio de Xustiza para que a faga extensible ao resto da Corporación.
BALSEIRO LÉMBRALLE AO BNG QUE É O PROPIO MINISTERIO DE XUSTIZA QUEN RECOÑECE QUE A XUNTA XA SOLICITOU FORMALMENTE A CREACIÓN DO XULGADO DE RIBADEO
* O deputado amosa a súa sorpresa porque agora o BNG reclame a creación dun xulgado despois de ter votado no Parlamento en contra disto.
* Reclama aos nacionalistas que se deixen de polemizar e insten ao Ministerio para que cumpra con esta reivindicación.
A Mariña, 28 de outubro de 2010.- O deputado do Partido Popular de Galicia, Jose Manuel Balseiro Orol, lembroulle aos responsables do BNG de Ribadeo que foi o propio Ministerio de Xustiza o que recoñece que a Xunta xa solicitou formalmente a creación do novo xulgado de Ribadeo. Non é polo tanto unha afirmación sen máis do deputado popular senón que ven avalada pola misiva que a Dirección General de Relaciones con la Administración de Justicia, dependente do Goberno central, dirixiu á Xunta indicándolle que a creación do xulgado dependía da modificación previa e imprescindible da Lei de planta e demarcación xudicial, un texto lexislativo de competencia estatal.
Jose Manuel Baleiro insistiu en que a Xunta “xa fixo os seus deberes” como consecuencia da presión política e social que no seu momento exercemos desde o PP, e agora “a pelota está no tellado do Goberno de Zapatero”. En todo caso, instou aos nacionalistas a deixarse de polemizar e traballar desde a Alcaldía por facer as xestións e presións precisas diante do Ministerio de Xustiza para que acometa “sen máis restraso” os trámites e modificacións lexislativas necesarias para crear o novo partido xudicial ribadense, para que cumpra con esta reivindicación.
OS NACIONALISTAS COMO OBSTÁCULO
O deputado popular amosou tamén a súa sorpresa polo “repentino cambio de comportamento dos nacionalistas” que agora reclaman a creación do xulgado, despois de ter votado no Parlamento en contra disto. De feito lembrou que o 31 de marzo de 2008 o voto negativo de socialistas e nacionalistas impediu que prosperara unha iniciativa do Grupo Popular na Cámara galega na que literalmente se demandaba “dirixirse ao Goberno central para que proceda á modificación puntual da actual Lei de planta e demarcación xudicial, de tal xeito que se cree un novo partido xudicial na provincia de Lugo, en Ribadeo, que inclúa un xulgado de primeira instancia e instrucción nesta localidade”. Daquela os nacionalistas opuxéronse a esto a diferenza do que están a dicir hoxe.
TRASLADA A MISIVA Á ALCALDÍA E GRUPOS MUNICIPAIS
Jose Manuel Balseiro insiste en que o procedemento a seguir “non é algo que esteamos a dicir nos, senón que o establece o propio Ministerio de Xustiza na súa carta”. Como entende que o alcalde non se aclara nin enteira de nada, “remitireille a carta do Ministerio para que ademais a faga extensible ao conxunto dos grupos políticos que conforman a Corporación”. O deputado popular tamén acompañou a súa nota de prensa coa copia da resposta da Xunta , de tal xeito que está en posesión dos medios de comunicación.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
