Nota de prensa
NOTA DE PRENSA
A Fundación TIC difundirá o labor de 12 asociacións deportivas coa participación de bolseiros da EIS
-O Presidente da Fundación asina acordos con representantes de 12 asociacións de deportes minoritarios “para contribuír á inserción laboral dos alumnos, a nosa máxima prioridade, e promocionar o deporte base”
– Gómez Besteiro anunciou que “este ano incrementamos, con respecto a 2009, en máis dun 300% os convenios de colaboración con asociacións sen ánimo de lucro e empresas TIC da provincia.
O Presidente da Fundación TIC e da Deputación, José Ramón Gómez Besteiro, e representantes de 12 asociacións deportivas da provincia asinaron este martes os convenios de colaboración para difundir as súas actividades a través de produtos audiovisuais nos que participarán bolseiros da Escola de Imaxe e Son (EIS).
Gómez Besteiro apuntou que “con estes acordos acadamos varios obxectivos: os alumnos da Escola adquieren a experiencia necesaria para acceder ó mercado laboral; promocionamos deportes minoritarios que teñen menos recursos para darse a coñecer; e divulgamos o importante labor que están a realizar estas organizacións en prol do deporte base”. Pola súa banda, Dolores Iglesias, representante da Agrupación Deportiva A Pinguela salientou que “como portavoz dos colectivos participantes, hoxe todos podemos dicir que estamos moi agradecidos ó traballo que realiza a Fundación TIC”.
O titular provincial anunciou ademais que “ó remate deste ano teremos incrementado en máis dun 300% os convenios con asociacións sen ánimo de lucro e empresas TIC con respecto ó 2009”. O ano pasado a Fundación tiña asinados 11 convenios, ós que agora se suman estes 12, e nas vindeiras semanas acadanrase un total de 34. “Todos os convenios inclúen a participación de bolseiros da EIS para que complementen a súa formación e tomen contacto co mundo laboral, xa que eles son a nosa máxima prioridade”, apuntou Gómez Besteiro.
A TIC, útil á provincia
O Presidente destacou que “demostramos con feitos que a Fundación TIC, ó mesmo que a Deputación, é útil á sociedade lucense, e o acto de hoxe é un bo exemplo delo”. As novas asociacións coas que colaborará a Fundación son: Escudería Miño, Agrupación Deportiva A Pinguela, Agrupación Deportiva Fefeme Triatlón, Club Cidade de Lugo Fluvial, Club Tenis de Mesa Dez Portas, Club Deportivo Arco Muralla, Club Natación Portamiñá, Club Patíns Lóstregos Lucus, Club San Fernando Lucus Caixa Rural Galega, Club Ciclista Cidade de Lugo, Sociedade Deportiva Cultural Polvorín e Club Emevé.
A TIC xa está a colaborar con 11 asociacións sen ánimo de lucro: Asociación Down Lugo, Asociación de Familiares de Enfermos de Alzheimer (AFALU), Asociación “Raiolas”, Fundación UNICEF, Asociación Lucense de Xordos (ALUSOR), Federación de Asociacións de Familiares de Enfermos Mentais (FEAFES), Asociación San Vicente de Paul, ANADE, ASPNAIS, Preescolar na Casa e Fundación Azkar para facer máis visible a súa función mediante espazos de divulgación elaborados en diferentes soportes audiovisuais.
Participantes na sinatura
No acto de sinatura, ademais de Gómez Besteiro e Dolores Iglesias, tamén participaron: Carlos Iñiguez, Escudería Miño; José Ángel Fernández, Agrupación Deportiva Fefeme Triatlón; Anabel Saulo, Club Deportivo Arco Muralla; Antonio Pérez Montecelo, Club Deportivo Cidade de Lugo Fluvial; Norman Javier Veiga, Club Tenis de Mesa Dez Portas de Lugo; Francisco Bouza, Club Emevé; María del Carmen Télez, Sociedade Deportiva Cultural Polovorín; Juan Paz, Club Ciclista Cidade de Lugo; José Manuel Traseira, Club San Fernando Lucus Caixa Rural Galega; Fernando Timbraos, Club Natación Portamiñá; e Carlos Ouro, Club Patíns Lóstregos.
Matrícula gratuíta
A Escola de Imaxe e Son de Lugo, o único centro da provincia que imparte ensinazas da familia audiovisual, ten a matrícula gratuíta desde hai tres anos. Este esforzo económico da Fundación TIC, que se manterá o vindeiro curso segundo anunciou o Presidente, reflíctese nunha elevada demanda. Para o exercicio 2010-2011 cubríronse, por terceiro ano consecutivo, todas as prazas nos dous ciclos que se imparten,-Realización e Produción-, ó tempo que segue a incrementarse o número de solicitantes.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
