Nota de prensa 1/2
RAQUEL ARIAS AVANZA QUE A NOVA ESTACIÓN POTABILIZADORA QUE ABASTECERÁ A CERVO E BURELA ESTARÁ LISTA A FINAIS DE ANO
* A delegada territorial e o presidente de Augas de Galicia, Francisco Menéndez, visitaron hoxe as obras, nas que se investiron máis de 6 millóns de euros
Lugo, 5 de novembro de 2010.- A delegada territorial da Xunta, Raquel Arias, anunciou que as obras de abastecemento de auga potable aos concellos de Cervo e Burela estarán listas a finais de ano. Ao respecto, o presidente de Augas de Galicia, Francisco Menéndez, explicou que neste momento tan só resta realizar a conexión da acometida eléctrica.
Ambos responsables autonómicos realizaron hoxe unha visita ás obras, na que estiveron acompañados polos alcaldes de Cervo e Burela, Alfonso Villares e Alfredo Llano, respectivamente.
Raquel Arias destacou a importancia desta infraestrutura, “que incidirá directamente na mellora dun servizo básico, como é o abastecemento de auga, e evitará que se rexistren problemas de subministración en épocas de seca”.
Así mesmo, subliñou o importante esforzo económico realizado nesta actuación, que suma un investimento de 6.561.656 euros, dos cales a Xunta achega o 60%. O resto do orzamento será asumido polo Consorcio que formaron a Administración autonómica e os concellos de Cervo e Burela para a xestión do abastecemento.
A principal obra dentro do proxecto consistiu na construción dunha nova Estación de Tratamento de Augas Potables (ETAP) situada en Senra (Cervo), que contará con dúas posibilidades para a toma de auga: Dende o encoro do Río Covo e dende o encoro da Rúa. Este último será o que subministre a auga en condicións normais, polo que ademais procederase ao seu dragado para recuperar a súa capacidade orixinal. En épocas de maior escaseza, conducirase a auga ata a ETAP dende a nova captación construída no río Covo.
Os traballos supuxeron o establecemento dun sistema integral de abastecemento, que compartirán ambos concellos. Ademais das obras citadas, inclúen a construción dunha condución dende o encoro de Rúa ata a ETAP, e a condución da conexión da auga tratada na nova ETAP de Senra ata a ETAP de Burela e ata as redes de Cervo-Sargadelos e Lieiro-San Cibrao.
Así memo, realizáronse actuacións sobre as redes de abastecemento. Renovouse por completo a rede de distribución de San Cibrao, que dada a súa antigüidade sufría continuas perdas e roturas; igualmente, renovouse e ampliouse a condución que abastece a Gondrás e O Castelo.
Tamén se construíu unha pequena ETAP modular para o tratamento da auga que reciben os núcleos do interior do concello de Cervo na parroquia de Rúa e outras poboacións lindantes. Por último, habilitouse o abastecemento aos núcleos que están en cota máis elevada que a ETAP de Rúa, tales como Vieiro, Freijo, Murazos e Cal.
Nota de prensa 2/2O ALCALDE DE CERVO VALORA POSITIVAMENTE A INMINENTE POSTA EN FUNCIONAMENTO DA POTABILIZADORA DA SENRA
* O presidente de Augas de Galicia confirmou no día en Cervo que a rede de abastecemento conxunto podería entrar en funcionamento nas vindeiras semanas
* A nova estación de tratamento de auga potable permitirá eliminar os puntos de bombeo que actualmente existen no municipio de Cervo
Cervo, 5 de novembro de 2010.- O presidente de Augas de Galicia, Francisco Menéndez, visitou na tarde de hoxe as instalacións da nova estación de tratamento de auga potable da Senra que abastecerá de auga potable proximamente aos concellos de Cervo e Burela. Na súa visita, o responsable do organismo dependente da Consellería de Medio Ambiente estivo acompañado pola delegada territorial da Xunta, Raquel Arias, e polos alcaldes de Cervo e Burela, Alfonso Villares e Alfredo Llano respectivamente.
Os representantes públicos foron informados polo director técnico da obra e polos responsables da empresa Espina y Obras Hidráulicas -encargada dos traballos desta infraestrutura- das características desta instalación e do sistema de potabilización ao que se someterá a auga que despois se distribuirá ás respectivas redes da traída municipal de Cervo e Burela.
Unha vez rematada a visita -e antes de iniciar a reunión do Consorcio que rexerá estas instalacións- o alcalde cervense salientou a importancia da inminente posta en servizo desta infraestrutura para os dous concellos. “Estamos dando os últimos pasos para conseguir materializar esta obra tan demandada non só por Burela, se non tamén polos veciños do nosos termino municipal” sinalou Villares. Neste senso lembrou que máis do 95% desta obra de enxeñería hidráulica transcorre por territorio cervense e que os embalses que abastecerán a ámbolos dous concellos están situado neste municipio. “Por iso, para Cervo sempre foi importante esta obra e así o defendemos en todo momento diante de Augas de Galicia co obxectivo de conseguir darlle un trato preferencial ás zonas rurais do noso municipio por onde ían a pasar as novas canalizacións” lembrou o rexedor.
Auga por gravidade
O alcalde salientou tamén que esta nova rede de abastecemento traerá consigo a eliminación dos dous puntos de captación de auga mediante bombeo que actualmente existen no termo municipal. “Nos vindeiros días, cando esta nova rede de auga entre en funcionamento, todos os veciños do noso concello recibirán auga por gravidade nos seus fogares, co conseguinte aforro enerxético que isto supón. Poderemos, pois, prescindir dos bombeos do río Rato e do río Cobo, e só se utilizaría o bombeo entre o embalse de Río Cobo e A Senra en casos de extrema urxencia e necesidade” recalcou Villares.
Unha vez estean formalmente entregadas as obras do abastecemento conxunto a ámbolos dous concellos a xestión da rede de subministro e da ETAP da Senra pasará ser responsabilidade do consorcio no que están representados o organismo público Augas de Galicia e os Concellos de Cervo e de Burela.
30 quilómetros de tubaxes
Os traballos da nova rede de subministro de auga para Cervo e Burela comezaron en setembro de 2007 e o seu investimento global superou lixeiramente os 5,4 millóns de euros. As obras centráronse na construción dunha nova estación de tratamento de auga potable (ETAP) na Senra, que recibirá a auga dende o embalse de Rúa e dende o encoro do río Cobo, aínda que esta última captación só se utilizará en casos puntuais e de emerxencia para garantir o subministro aos dous municipios.
Para isto construíuse unha condución de máis de 8,5 quilómetros dende o encoro de Rúa ata a nova ETAP e se acometeu unha nova captación de 4,5 quilómetros de lonxitude dende o encoro de Río Cobo á ETAP da Senra. Paralelamente a isto se construíu unha rede de condución da auga tratada para levar a auga potable a tódolos puntos dos dous municipios e a cal ronda os 30 quilómetros de lonxitude.
A ETAP da Senra posúe uns depósitos de 2.500 metros cúbicos e poderá potabilizar 120 litros de auga por segundo. Segundo os estudos técnicos, a capacidade de tratamento da estación da Senra poderá cubrir as necesidades de ámbolos dous municipios nos vindeiros 25 anos e ten ademais a posibilidade de aumentar nun 50% a súa capacidade de tratamento inicialmente previsto.
As previsións dos técnicos cuantifican en 3.886.812 metros cúbicos os que poderán ser tratados
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
