Nota de prensa
NEVES CANDO PIDE A DIMISIÓN DOS POPULARES BALSEIRO E BARCIA POR MENTIR E ENGANAR Á POBOACIÓN CONTANDO EN REITERADAS OCASIÓNS QUE AS AUTOPSIAS SE REALIZAN NO HOSPITAL DA COSTA, ALGO QUE NON OCORREU O PASADO MARTES CO FALECIDO NO PORTO.
Burela, 11 de novembro de 2010. A tenente de alcalde, Neves Cando, pide a dimisión dos populares José Manuel Balseiro e José Mª González Barcia por enganar á poboación contando en reiteradas ocasións que as autopsias se realizan no Hospital da Costa. A edil nacionalista lembra que o falecido o martes en Burela foi trasladado a Lugo, tal e como aconteceu noutras ocasións ao longo dos últimos meses.
Neves Cando asegurou que “a realidade é teimuda e acaba poñendo a cada un no seu lugar e isto foi o que aconteceu unha vez máis e desgraciadamente para a familia afectada o pasado martes con motivo do falecemento dun veciño de Burela por causa do temporal. E o que pasou foi que houbo que agardar máis de dúas horas a que chegase desde Lugo, en taxi por certo, o médico forense para que procedese ao levantamento do cadáver do falecido e despois dun breve recoñecemento informou á familia de que sería levado a Lugo para realizarlle a autopsia e que unha vez feita sería traído de novo a Burela, feito que aconteceu cara as sete da tarde”.
A tenende de alcalde pregúntase “¿onde estaba ese servizo de autopsias que o señor Balseiro e o señor Barcia dicían que se facía en Burela? Alí estábamos todos, a familia, autoridades, mariñeiros e veciños de Burela e puidemos constatar unha vez máis que o PP nos engana cando di que as autopsias se realizan no Hospital da Costa. Alí estaba tamén o portavoz do PP de Burela, que puido presenciar isto e de paso percibir a indignación de todos ante a patraña das súas declaracións no verán acusándome a min de mentirosa cando denunciaba outras situacións similares que desgraciadamente tamén se produciron non só en Burela senón noutros puntos da comarca”.
Neves Cando insiste en que “unha vez máis os señores Balseiro e Barcia enganaron a todos os veciños e veciñas de Burela e da comarca en xeral cando dixeron que desde o 14 de maio as autopsias se realizaban en Burela. Todos puidemos comprobar o martes aquí que iso é mentira e ante isto ao señor Balseiro e ao señor Barcia non lles queda outra que dimitir por mentirosos e por enganar aos veciños. Non se pode xogar así coa dor das familias e enganar a todo o mundo. O martes en Burela morreu un veciño noso e tivo que ser levado a Lugo para precticarlle a autopsia, ésta é unha vez máis a realidade. E agora unha vez máis se demostra quen minte e quen engana”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
