* 
Ante as declaracións feitas estes días na prensa polo alcalde do veciño concello de Foz, nas que se cuestiona unha acción que o Goberno Galego pretende levar a cabo no concello que represento, síntome na obriga de ter que saír ao paso e matizar unha serie de cuestións.
En primeiro lugar, eu, como alcalde de Cervo síntome orgulloso de que Portos de Galicia, baixo a súa potestade e en virtude das súas competencias, decidira desenvolver o proxecto de construción dunha goleta no meu concello. Das múltiples razóns que xustifican esta inversión, podería destacar tres fundamentais:
Primeira.- A creación de emprego e a dinamización dun sector en crise como é a “carpintería de ribeira”, así como tamén a proxección turística do noso pobo, que traerá consigo a visita de numerosos cidadáns que ben seguro se achegarán a ver o desenvolvemento desta construción.
Segunda.- A recuperación da memoria colectiva a través da promoción dos valores etnográficos, culturais, sociais e económicos, tan representativos da identidade da nosa terra.
Terceira.- O orgullo que vai a supoñer para Cervo o feito de que esta embarcación tradicional represente a Galicia alí por onde navegue.
Por tales motivos non entendo porque desde o concello de Foz se amosan contrarios á construción da referida goleta. É máis, cústame entender que se fale de austeridade, e da prioridade das inversións e obras a desenvolver, á hora de criticar a realización desta actividade. Resultan canto menos paradoxais as críticas de alguén que é capaz de ‘ver a palla no ollo alleo e non ver a viga no propio’. Na miña consideración, as súas verbas non deixan de ser un arranque de populismo banal cuxa finalidade quizais sexa correr un tupido velo, unha cortina de fume que agoche as súas erráticas decisións.
Neste último sentido, pero sinalando agora a aqueles representantes do seu partido no meu Concello, que constitúen parte da oposición ao Goberno municipal de Cervo, chaman tamén a atención as súas manifestacións críticas respecto a este concreto asunto. Mais, dificilmente me podo ver sorprendido ante este reiterado comportamento do grupo dos socialistas de Cervo, pois non me resulta novo que todas e cada una das súas actuacións tendan a sacrificar os intereses xerais dos cidadáns de Cervo a favor dos seus prioritarios intereses electorais, ou o que é peor, a favor de certos intereses particulares que, alén de xerar certa conflitividade social, tamén afectan ao ben común, ao que os representantes públicos debemos servir.
Pero, en todo caso, os motivos para a construción da citada goleta son, cando menos, tan criticables como as actuacións realizadas, ou que se van a levar adiante pola Demarcación de Costas no termo municipal de Foz. Estas últimas pódense comprobar simplemente consultando a páxina de información do Ministerio de Medio Marino; p.ex.
-centro de interpretación da mariña lucense- 4 millóns de euros.
-modificación integral de praias e o seu entorno- 1,67 millóns de euros
-recuperación ponte de ferro no río ouro- 1,54 millóns de euros
-carril bici e adecuación de Praia-2,34 millóns de euros
-sendeiro peonil entre praias- 3,15 millóns de euros
Sendo consciente de todos estes feitos, Don José Rivera, eu pregunto, ¿Cómo pode criticar a inversión de 1,8 millóns de euros que se vai realizar no meu Concello? E, por outra parte, ¿Cómo pode dicir e soster que estes cartos se podían investir en garderías ou residencias para os nosos maiores? Porque, seguindo a súa lóxica populista, do mesmo xeito que o Concello que vostede representa destina todos os recursos financeiros descritos en paseos marítimos, carrís bici, recuperación de pontes de ferro e edificios expositivos, entre outras concretas actuacións (que supoñen máis de 12 millóns de euros), podería reconducir ditos fondos á construción da tan solicitada residencia para maiores de Foz.
Agora ben, vostede sabe, coma todo o mundo coñece, como funcionan as Administracións Públicas.Vostede sabe, ou debe saber, que o contido das súas declaración son pura e simple demagoxia. Sabe, ou debe saber, que cada organismo ten os seus propios obxectivos e as súas propias finalidades, e que están dotados dun orzamento que trata de responder ás necesidades dos cidadáns no marco das súas competencias.
Agardo que con estas aclaracións se pechen discusións que son nocivas para a normal convivencia dunha sociedade. Como mariñáns que somos todos, debemos alegrarnos dos investimentos que cheguen a cada punto da Mariña e deixar de discutir entre nós, loitando todos para achegar á nosa terra o maior número de obras e servizos, xa que este é o único xeito de deixar de ser os grandes esquecidos de Galicia.
Unha forte aperta para Pepe Rivera, que por moitos anos sigamos brindando polo Nadal no Almacén de Cervo, ao lado dos amigos que compartimos.
* Alfonso Villares é alcalde do Concello de Cervo
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
