NOTA DE PRENSA
Manifesto que se leu esta mañá na praza do Concello de Burela con motivo da celebración hoxe do día internacional contra a violencia de xénero. Despois da lectura os participantes no acto soltaron globos de cor malva e branco en lembraza das mulleres asasinadas ao longo deste 2010.
Manifesto 25 novembro 2010
Diante da conmemoración dun novo 25 de novembro, Día Internacional da Eliminación da Violencia contra as Mulleres, o Concello de Burela quere amosar o seu rexeitamento e denuncia ante a persistencia dunha das manifestacións máis graves da discriminación por razón de sexo: a violencia contra as mulleres.
Dende o recoñecemento por parte da Asemblea Xeral das Nacións Unidas do carácter oficial desta data do 25 de novembro, son máis de dez anos os transcorridos e moitos son os logros conseguidos en materia de igualdade e loita contra a violencia de xénero.
Pero, un 25 de novembro máis, como cada ano, esta data lémbranos o que queda por facer: seguir traballando e xuntando forzas para combater e acabar dunha vez con esta lacra social. Porque, a pesar de todos os avances acadados ata a actualidade, o violencia de xénero segue a ser un dos problemas máis graves desta sociedade.
No que vai de ano morreron 62 mulleres en España vítimas das agresións das súas parellas ou ex parellas. Asemade, cada 15 segundos é agredida unha muller no mundo e a violencia de xénero é a principal causa de mortandade entre as mulleres de 15 a 45 anos, segundo datos da Organización Mundial da Saúde.
A violencia de xénero desaparecerá cando as mulleres deixen de ser cidadás de segunda e participen de forma igualitaria nesta sociedade. Desaparecerá cando deixen de estar á cabeza das cifras de pobreza, das listas de desemprego, de sufrir a infravaloración dos seus traballos e os problemas de conciliación da vida persoal, familiar e pública. Desaparecerá cando se deixe de usar a súa imaxe como un obxecto de consumo, cando as súas palabras se oian co mesmo volume co que se escoitan as dos homes e cando sexan nomeadas e visibilizadas en todos os espazos sociais.
Por todo isto, cada persoa ou institución ten un compromiso na loita contra a violencia cara ás mulleres. Porque a violencia non é cousa delas, porque a violencia non é cousa doutras, porque a violencia é cousa de todas e cada unha das persoas que conformamos esta sociedade. Tan só asumindo unha responsabilidade compartida poderemos facer desaparecer a maior lacra que sofre a nosa sociedade: a violencia de xénero. Tan só asumindo unha responsabilidade individual poderemos forzar a súa desaparición e contribuír ao progreso social.
Por todo isto, e para que a nosa protesta non se circunscriba a unha mera cita no calendario con motivo do Día Internacional da Eliminación da Violencia contra as Mulleres, queremos deixar constancia do noso compromiso na loita contra a violencia de xénero.
Co desexo de que no futuro non haxa ningún motivo para conmemorar este 25 de novembro,
co convencemento de que non existen barreiras ideolóxicas nin políticas que poñan freo a unha loita común contra a violencia sexista,
manifestamos o noso máis firme compromiso de loita contra todas as manifestacións de violencia que sofren as mulleres nesta sociedade,
mostramos o noso firme rexeitamento de todos aqueles que a exercen
e comprometémonos a promover o cambio social necesario mediante unha posición de tolerancia cero fronte ao machismo e a non ser cómplices no silencio.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
