Nota de prensa:
O BNG CRITICA QUE O CONCELLO SE ADHIRA AGORA AO CONSORCIO GALEGO DOS SERVIZOS DE IGUALDADE E BENESTAR, CANDO ESTÁ A PIQUES DE DESAPARECER. OS NACIONALISTAS PÍDENLLE TAMÉN SERIEDADE A FEIJOO, A ARIAS E A FUENTE CO CENTRO DE DÍA TAN ANSIADO PARA BARREIROS.
Barreiros, 19 de novembro de 2010. O BNG critica que o Concello se adhira agora ao Consorcio Galego dos Servizos de Igualdade e Benestar, cando está a piques desaparecer. A única explicación que atopan os nacionalistas son os 114.000 euros que recibirá o equipo de goberno para mercar o equipamento do centro sociocultural Manuel Díaz Sampedro. Os nacionalistas tamén se interesaron no pleno de onte polo prometido centro de día para Barreiros.
Veiga explicou que “no pleno celebrado onte houbo unha proposta da alcaldía de Barreiros, do PP, de integrarse no Consorcio Galego dos Servizos de Igualdade e Benestar. Despois de varias iniciativas do BNG nos últimos catro anos pedindo que o Concello de Barreiros se integrara neste importante Consorcio Galego e despois de que o PP por todos os medios en diferentes puntos do país tentase boicotear este importantísimo instrumento para dar boa atención aos galegos e ás galegas en materia de igualdade e benestar, despois de todo isto curiosamente agora o Concello de Barreiros, a piques de que a Xunta do PP disolva dito consorcio vai e adhírese a él”.
Para os nacionalistas “isto ten unha explicación, a que deu o alcalde Alfonso Fuente Parga, e é que para acabar por fin de dotar de mobiliario e de equipamentos ao novo centro sociocultural se necesitaba estar incluidos nese consorcio para recibir eses 114.000 euros. Ese é o motivo polo que o Concello de Barreiros se integra no consorcio”.
Antonio Veiga lembrou que “ese centro sociocultural, que agora se pretende acabar, rematóuse no ano 2004 e se entregou ao Concello de Barreiros e houbo que agardar 6 anos para poder utilizalo con todas as garantías e con todas as comodidades. Iso denota a incapacidade total do equipo de goberno do PP de Barreiros. Non é de recibo que seis anos despois de rematado un edificio aínda se estean a solicitar cartos para equipalo e para amueblalo”.
Desde o BNG engadiron que “no pleno preguntámoslle ao alcalde para qué era esta adhesión ao consorcio e qué tiña que ver co centro de día prometido para Barreiros. O centro de día prometéuno Feijoo cando dixo que todos os concellos de máis de 1.500 habitantes terían unhas instalacións deste tipo, tamén o prometeu a delegada territorial Raquel Arias no último xantar para a terceira idade e prometéuno o propio Alfonso Fuente”. O portavoz do Bloque Nacionalista Galego pídelles que “se poñan de acordo porque o que nos preguntaba o alcalde neste pleno é qué se entendía por un centro de día e chegóunos a dicir que se podería reconvertir o centro sociocultural nun centro de día. Parécenos que non cumpre coas condicións técnicas esixidas porque un centro de día é un centro de atención e non un centro de reunión que creo que é o que pretende Alfonso Fuente, dado que polo que vemos esa famosa Axencia Galega de Servizos Sociais, que vai substituir ao consorcio, non avanza e todas as promesas realizas por Feijoo e Arias van sendo papel mollado”.
O BNG advirte que “a lexislatura vai avanzando e os veciños de Barreiros seguimos agardando por ese ansiado e necesario centro de día. Que se poñan de acordo Alfonso Fuente e Raquel Arias, xa que diante de 400 veciños dixeron que ese centro ía ser unha realidade e haberá que explicarlles onde se construirá. A día de hoxe o Concello non ten ningún terreo específico para esas instalaciones, non se pode xogar coa xente e moito menos coas persoas maiores que demandan este centro desde hai moito tempo. Pedímoslles seriedade tanto a Feijoo, a Arias como a Fuente e que non xoguen cos maiores de Barreiros”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
