Nota de prensa:
O BNG TILDA DE COMPLICADA E CAÓTICA A SITUACIÓN ECONÓMICA DO CONCELLO DE BARREIROS E CULPA AO ALCALDE E AO CONCELLEIRO DE ECONOMÍA. A LIQUIDACIÓN DE 2009 PECHÓUSE CUN DÉFICIT DE MÁIS DE 230.000 EUROS.
Barreiros, 18 de novembro de 2010. O BNG de Barreiros tilda de complicada e caótica a situación económica do Concello e culpa ao alcalde e ao concelleiro de Economía. Os nacionalistas aseguran que o 2009 se pechou cun déficit de 231.000 euros, a liquidación dese ano analizóuse no pleno celebrado este mediodía.
O portavoz dos nacionalistas, Antonio Veiga, contou que “vense de aprobar a liquidación de 2009 e vemos que mostra un déficit de 231.481 euros. Se temos en conta tamén que a liquidación de 2008 amosaba un déficit de máis de 500.000 euros, desde logo que a situación do Concello non é nada boiante, pero a pesares diso séguese gastando e dispoñendo alegremente dos cartos independentemente do pequeño axuste que se veu facendo e entendemos que o vindeiro ano aínda terán que seguir axustándose as contas”. Desde o BNG explican que “ao ser un resultado negativo o desta liquidación é obvio, así o marca a lei, que haberá que facer un plan económico-financieiro para o 2011. A ver qué prioridades vai ter en conta o Concello en dito plan, iso é algo que tampouco nos explicou no pleno de hoxe o alcalde”.
Veiga Outeiro dixo que “si botamos a vista atrás e vemos a redacción dos orzamentos do 2009, observamos o que advertiu o BNG no seu día e o que dixo a propia secretaria-interventora, que fixo un informe desfavorable no que xa recollía que a alcaldía non presentaba o informe económico-financieiro que demostrara de onde saían os ingresos para atender todos eses gastos que se prevían. A alcaldía e o concelleiro de Economía estaban avisados e creo que sabían o que estaban a facer, creo que son dúas persoas con total solvencia profesional e con profesións relacionadas coa economía e tiñan que sabelo, outra cousa é que se guiaran por intereses puramente electorais”.
O portavoz do BNG en Barreiros asegurou que “o Concello gastou no 2009 sen ton nin son 700.000 euros. Eses foron os recoñecementos extraxudicias de crédito que houbo que facer a principios de 2010 para recoñer facturas por ese importe que tiñan un reparo de intervención que dicía que non había partida suficiente para afrontar eses gastos que o Concello estaba a afrontar”.
O grupo municipal do BNG considera que “o alcalde e o concelleiro de Economía actuaron irresponsablemente e pouco a pouco van levando ao Concello de Barreiros a unha situación onde non se pode facer nin unha mínima inversión en servizos públicos e de interese para os veciños. Eso sí, segue aumentando a partida de persoal, neste 2010 o Concello ten presupostado 1.700.000 euros, preto do 60% do orzamento para persoal e é curioso que na memoria que redactou a propia alcaldía dos presupostos de 2009 o propio alcalde dicía que nese ano xa se disparaban os gastos de persoal porque acadaban o 53% do orzamento e que había que correxilo. Non foi así porque no seguinte ano o alcalde seguiu a contratar sen ton nin son, sen proceso selectivo ningún e cargando ás contas de todos os barreirenses 1.700.000 euros”.
Para Antonio Veiga “a liquidación presentada no pleno de hoxe deixa ben ás claras a total incapacidade tanto do alcalde como do concelleiro de Economía para xestionar as contas de Barreiros. E si temos en conta que tamén vimos a incapacidade en meses e anos pasados para xestionar o urbanismo desde logo que mal nos vai ir co PP no Concello de Barreiros”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
