Nota de Prensa
O EQUIPO DE GOBERNO REDUCIU NESTE MANDATO EN 1.600.000 EUROS A DÉBEDA DO CONCELLO COS BANCOS, SEGUNDO VICENTE CASTRO. O CONCELLEIRO DE FACENDA DI QUE DUBIDAR DOS DATOS QUE SE DERON NO PLENO É DUBIDAR DA PROFESIONALIDADE DOS TÉCNICOS MUNICIPAIS.
Ribadeo, 17 de novembro de 2010. O equipo de goberno reduciu neste mandado en 1.600.000 euros a débeda do Concello cos bancos, segundo sinalou hoxe o concelleiro de Facenda, Vicente Castro. O edil nacionalista asegura que hai pendentes de recoñecer e de aprobar 129 facturas do ano 2006 das que 84 proceden de delegacións directamente relacionadas coa alcaldía que por aquel entón ocupaba Balbino Pérez Vacas.
Castro aludiu ás declaracións efectuadas nas últimas horas desde o PSOE e dixo que “o señor López non se entera ou non se quere enterar, confunde o resultado do exercizo 2009 coa débeda acumulada a 2009. O resultado do 2009 é positivo en 180.000 euros e dubidalo é dubidar dos técnicos do Concello e a débeda acumulada dos anos anteriores ata finais de 2009 é de pouco máis de 5,5 millóns de euros. O que non di o señor López, e que tamén figura na conta xeral, é que os dereitos recoñecidos pendentes a favor do Concello a finais de 2009 son de 6 millóns de euros e o resultado é ben sinxelo, trátase simplemente de facer unha resta, o que nos da un remanente positivo de 500.000 euros”.
O concelleiro de Facenda subliñou que “no que vai de lexislatura deste goberno non se acudiu a ningún préstamo, adicámonos exclusivamente a amortizar, polo que se reduciu a débeda con bancos en 1.600.000 euros polo tanto o resultado acumulado, como dixen no pleno do luns, desde finais de 2006 a finais de 2010, tomando como referencia esta data, vai arroxar un resultado de 400.000 euros de aforro por parte deste goberno”.
Vicente Castro engadiu que “tamén falaba o señor López das facturas pendentes de recoñecer e de aprobar que estaban, segundo él, nalgún caixón desastre, supoño que se refería á etapa na que eles gobernaban e na que a Delegación de Facenda tiña só nome, porque existir como control non existía de ningunha maneira. Estas facturas existen e están controladas permanentemente e a día de hoxe hai 129 pendentes de recoñecemento e de aprobación por un importe aproximado de 245.000 euros. E desas 129, hai 84 que pertencen ao ano 2006, xa sei que me vai dicir que nós estábamos no goberno bipartito, efectivamente, pero preto do 70% delas son facturas asinadas polo alcalde, de delegacións directamente relacionadas coa alcaldía que ostentaba o señor Pérez Vacas do PSOE”.
O edil do BNG manifesta que “estes datos están a disposición no Concello e o señor López ten acceso a eles e dubidar deles é dubidar da profesionalidade dos técnicos municipais”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
