Nota de prensa
O GPPP rexeitou o Plan de actuación da Fundación TIC
Lugo, a 11 de novembro de 2010.- O Grupo provincial do Partido Popular rexeitou o Plan de actuación da Fundación TIC para o vindeiro ano, no que se inclúen tamén os orzamentos, ó considerar que na escola de imaxe e son, ademais de “estarse a desvirtuar o seu componente formativo”, que supoñía o fin primordial para o que foi concebida, está a ser obxecto dun “estricto” control político.
José María González Barcia, representante do Partido Popular la padroado da Fundación, salientou que “hai un desmedido e inxustificado” incremento da plantilla da productora. A este respecto indicou que máis do 50 por cento do orzamento previsto para o vindeiro ano adícase ó capítulo de persoal e que “a metade desta metade é para o persoal da productora”.
Asimesmo, puxo de manifesto que o investimento realizado durante estes tres anos e medio polo goberno provincial, fundamentalmente no que atinxe á dotación de equipamento tecnolóxico, débese á planificación deixada polo anterior equipo de goberno.
“José Ramón Gómez Besteiro puxo a TIC ó seu servizo persoal, coma se dun gabinete de imaxe se tratara, aínda que coa salvedade importante de que os gastos derivados desta campaña de autopromoción corre a cargo de todos os lucenses”.
Barcia fixo constar ademais que o plan de actuación exposto é “idéntico” ó do pasado ano, o que denota que non se cumpliu ningún dos obxectivos previstos e que adolece de “falta de detalle”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
