Nota de prensa
Neste momento están en marcha todas as obras de reparación nos outros portos afectados na Mariña lucense como son os de Ribadeo, Rinlo, Foz, Burela, Morás, Celeiro e O Vicedo
BALSEIRO INTERÉSASE DIANTE DO PRESIDENTE DE PORTOS DE GALICIA POLAS TAREFAS DE REPARACIÓN DOS ESTRAGOS PROVOCADOS POLO TEMPORAL BECKY NO PORTO DE SAN CIPRIÁN
* O ente público dependente da Consellería do Mar achegará un total de 572.182 euros para diversas
* Mobilizarán 250.000 toneladas de escollera en pezas de roca de tamaño grande de máis de 10 toneladas cada unha
Santiago, 20 de novembro de 2010.- O voceiro do Mar do Grupo Parlamentario Popular, Jose Manuel Balseiro Orol, reuniuse no día de hoxe co Presidente de Portos de Galicia, Jose Manuel Álvarez Campana na que se interesou polas tarefas de reparación que este organismo ten previsto acometer para reparar os estragos provocados polo temporal Becky no Porto de San Ciprián, así como noutros espazos da Mariña lucense.
As instalacións portuarias de San Ciprián foron unha das que maiores danos sufriron tras o paso do temporal e tamén “nas que as tarefas para a reposición do espigón teñen unha maior complexidade técnica que obrigou aos operarios de Portos de Galicia a efectuar diversas cálculos e xeometrías para coñecer o número de pedras a achegar”. Preveuse a mobilización de 250.000 toneladas de pedra de gran tamaño cada unha das cales superará as 10 toneladas individualmente.
Portos de Galicia destinará 572.182 euros a diversas accións correctoras, obras novas e melloras nestas instalacións portuarias. As tarefas comezaron coa limpeza do peirao e a retirada e tratamento dos refugallos. Dentro deste investimento 28.320 euros irán destinados á reposición do pavimento deteriorado, 8.260 á reparación dos servizos de alumeado público e abastecemento, … etc, 424.800 –a partida máis importante- irá destinada á reposición da escolleira situda tras o dique, 6.136 á amañar o balizamento da Anxuela, 28.320 á reposición do departamento de armadores, 8.496 á reposición dos balados e carpintería metálica, 42.480 a amañar os desperfectos nos departamentos de usuarios, 17.700 á reconstrución dos muros de mampostería e outras obras nas casetas dos armadores e finalmente 7.670 irán destinados ao tratamento dos refugallos nun vertedoiro controlado.
Balseiro indicou tamén que se está a estudar paralelamente facer un recrecido do espaldón no porto de San Ciprián para outorgar máis seguridade preventiva fronte a futuros episodios metereolóxicos adversos. Finalmente indicou que neste momento están en marcha todas as obras de reparación nos outros portos afectados na Mariña lucense como son os de Ribadeo, Rinlo, Foz, Burela, Morás, Celeiro e O Vicedo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
