Nota de prensa
201 traballadores dos hospitais provinciais pasarán ó SERGAS o 1 de xaneiro
– O Presidente da Deputación recibe no Pazo de San Marcos a estes profesionais e agradeceulles o traballo desenvolvido ó longo destes anos
– Era un compromiso político do actual equipo de goberno, o mesmo que desbloqueou outras débedas históricas como o canon, os parques de bombeiros ou a UNED
– As transferencias provocaron un adelgazamento do Orzamento de 2011 de preto de 20 millóns de euros, ó non ter que establecer esta previsión para o vindeiro ano
– A vindeira semana está previsto que o Presidente e a Conselleira asinen o convenio que precisará a cifra exacta da débeda e o pagamento da mesma
O Presidente da Deputación, José Ramón Gómez Besteiro, presidiu este xoves a recepción de despedida ó persoal sanitario dos hospitais de San Rafael e de San José que o día 1 de xaneiro pasará a formar parte da plantilla do Servizo Galego de Saúde (SERGAS), logo de que o máximo mandatario provincial e a Conselleira de Sanidade asinasen en xuño o protocolo marco, que guía o traspaso de ambos os dous centros sanitarios e que permite que a transferencia sexa efectiva de forma oficial na data sinalada.
Gómez Besteiro agradeceu a cada un destes profesionais o traballo desenvolvido ó longo destes anos ó tempo que lembrou que “foi un proceso largo, pero como di o dito: nunca es tarde si la dicha es buena. A Deputación non podía seguir mantendo as instalacións sanitarias. Isto non é o que nos temos que adicar senón á cooperación cos Concellos”. Asimesmo, aproveitou para felicitarlles o novo ano e desexarlles moito éxito na nova andaina que comezan dentro da súa carreira profesional.
O Servizo Galego de Saúde asume as prestacións sanitarias que se desenvolven nestes centros, o que terá a súa consecuencia na mellora da atención ós pacientes e na calidade das prestacións sanitarias. Polo que se refire ós traballadores, transferiranse 201. Deste xeito, tanto o persoal como os doentes do San José xa están a ser trasladados ó novo Hospital, ó Lucus Augusti. Con respecto ó de San Rafael, que se ocupa da atención a pacientes con patoloxías psquiátricas de longa estancia, incorporaranse ó de Calde tan pronto como a Consellería realice as reformas necesarias.
Grazas ás negociacións de Gómez Besteiro, a institución provincial salda unha das débedas históricas que tiña coa provincia, xa que ata o momento a de Lugo era a única Deputación de España que aínda tiña competencias en materia de saúde. Deste xeito, as transferencias provocaron un adelgazamento do Orzamento da Deputación de 2011 de preto de 20 millóns de euros, ó non ten que establecer esta previsión para o vindeiro ano.
Era un compromiso político do actual equipo de goberno, o mesmo que desbloqueou as outras grandes débedas históricas desta provincia como o canon hidroeléctrico, os parques de bombeiros ou a UNED.
Inmobles e débeda
Dado que a Xunta decidiu prescindir dos inmobles nos que se ubican os centros, a Deputación está a estudar varias posibilidades para determinar o uso dos mesmos. No encontro de xuño o Presidente e a responsable do departamento económico autonómico pecharan a liquidación da débeda contraída pola Xunta coa Deputación dende o 1 de xaneiro de 2005 ata o 31 de decembro de 2009, e que se cifra en 22 millóns de euros, ós que haberá que restar o superávit do San José, o valor dos inmobles e os axustes económicos de 2010. A cifra concreta precisarase a vindeira semana coa sinatura do convenio por parte de Gómez Besteiro e da Conselleira, que establecerá tanto a cantidade como o procedemento do pago.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
