Nota de prensa
Barreiro e Balseiro comprometéronse a levar ó Senado e ó Parlamento a defensa dos intereses das máis de 1.500 familias lucenses afectadas polos cambios na nomativa sobre enerxía fotovoltaica
Lugo, 30/12/10. O foro informativo sobre enerxía fotovoltaica celebrado hoxe en Lugo, a instancias do senador José Manuel Barreiro para analizar pormenorizadamente a repercusión que terán as medidas retroactivas para os productores deste tipo de enerxía na provincia de Lugo aprobadas o pasado 24 de decembro polo Ministerio de Industria, acadou unha enorme participación.
Proba inequívoca, ó entender do senador lucense, de que a decisión gubernamental xerou unha gran inquedanza entre os afectados, ós que directamente causará un grave perxuizo económico. Aínda que hai que ter tamén moi presente o dano evidente que para a economía xeral e para a propia seguridade xurídica do país se derivará da aplicación dunhas medidas legais con carácter retroactivo.
No encontro, a presidenta de ANPER (Asociación nacional de productores de enerxías renovables), Rocío Hortigüela Esturillo, realizou unha breve semblanza histórica sobre o sector fotovoltaico no noso país, poñendo de manifesto, como dato ilustrativo, que en cinco anos a normativa sobre a producción deste tipo de enerxía foi obxecto de sete modificacións.
Especial fincapé fixo na repercusión da última decisión do Ministerio de Industria pola que a tarifa de producción desta enerxía, ademais de sufrir unha reducción importante, terá efectos retroactivos. O impacto desta decisión, que calificou de “impensable nun país democrático”, afectará, segundo indicou, a 55.000 familias en todo o Estado, das que ó redor de 1.500 son da provincia de Lugo.
Familias, que segundo se puxo de manifesto no encontro, confiou na palabra do Goberno socialista e na garantía que ofrecía o Estado e fixo investimentos millonarios, invertindo en proxectos con retornos a longo prazo para os que tiveron que hipotecar os seus aforros e bens personais, Todo elo, auspiciado polo Estado que garantizaba unha tarifa fixa á que agora, ademais de rebaixarse, pretende aplicárselle un efecto retroactivo, levando á ruina a milleiros de pequenos emprendedores.
A este respecto, Hortigüela Esturillo solicitou a colaboración dos responsables do Partido Popular para evitar que o decreto lei imposto polo ministro de Industria Miguel Sebastián sexa ratificado no Congreso.
José Manuel Barreiro, pola súa banda, ademais de cuestionar “a seriedade” do goberno de Rodríguez Zapatero por cambiar a normativa “cada seis meses”, censurou que “agora pretenda incumplir os compromisos asinados e deixar na estacada a miles de familias”. Salientou asimesmo que o Goberno de España “pola súa mala xestión, creou un problema e agora non sabe, como en outras moitas cousas, como solucionalo”. Neste senso, avogou por seguir a tendencia aplicada xa en outros países con bo resultado, e que consiste en combinar os sistemas enerxéticos convencionais co desenvolvemento das enerxías renovables.
Puxo de manifesto tamén que o aforro que o Goberno central pretende conquerir en tres anos coa adopción dunha medida tan drástica e negativa coma esta, perdeuse nun só día polo incremento da desconfianza que xerou o mesmo anuncio de adopción desa medida no exterior á hora de colocar no mercado internacional débeda pública do noso país.
Neste senso, comprometeuse a promover no Senado, ó igual que o deputado autonómico José Manuel Balseiro, tamén presente no acto, no Parlamento galego, cantas iniciativas sexan precisas non só para velar polos intereses das familias luceses afectadas, senón tamén pola necesidade de dar impulso ó sector das enerxías renovables que sobradamente demostrou que é un importante nicho de creación de emprego e riqueza.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
