Nota de prensa
A INTERNACIONAL BRASILEIRA VANESSA PEREIRA ARRIBA ÁS FILAS BURELISTAS
A internacional brasileira Vanessa Pereira arriba ás filas burelistas, procedente do prestixioso UnoChapecó, tricampión da Liga canarinha. A ala zurda, de 22 anos, foi presentada nas oficinas laranxas polo presidente da entidade, José Ramón González Casas, e o directivo Marcelino Luna.
A última incorporación do Burela FSF Pescados Rubén chegou á Mariña tras proclamarse campioa co Brasil no I Torneo Mundial de Fútbol Sala Feminino (Madrid, 6-11 decembro), xunto á meta laranxa Jozi. Con toda unha vida ligada ao fútbol sala, a traxectoria de Vanessa (Pato de Minas, 1988), considerada como unha das mellores xogadoras do mundo está avalada por dous dos clubs de referencia no seu país de orixe, Kindermann Caçador (2006-07) e UnoChapecó (2008-10); unha lista infinita de títulos co cadro chapecoense loce na vitrina da deportista como o Campeonato Mundial Universitário (2008, 2010), Taça Brasil (2009, 2010), Taça das Naçoes (2009, 2010), Jogos Abertos de Santa Catarina (2009), Jogos Abertos Brasileiros (2010), Jogos Universitários de SC (2009, 2010) ou o Campeonato Catarinense (2009, 2010).
A brasileira amosou a súa ilusión no emerxente proxecto burelista: “É doado chegar a un club e dedicarse a xogar, pero saber que xogadoras e club teñen que construír xuntos un proxecto, construír a súa historia, resulta moito máis enriquecedor” dixo Vanessa, que tamén agradeceu a confianza depositada polo CD Burela FS. “Aínda que tiven outras propostas de España, a seriedade e organización deste club fixéronme tomar a decisión”.
Cun brillante percorrido no Brasil, a xogadora comeza a súa etapa no fútbol sala español moi motivada: “Nos primeiros contactos que tiven coas miñas novas compañeiras, sentín que podo adaptarme ben ao xogo do Burela FSF. Comecei a construír a miña traxectoria no Brasil, con éxito, e espero continuar nunha boa liña e conseguir o respecto deportivo en España”, concluíu Vanessa, que tamén agarda contribuír coa súa loita para poder chegar á Copa de España e realizar un bo papel.
Pola súa banda, José Ramón González Casas congratulouse pola chegada de Vanessa como “un reforzo necesario para manter a boa tempada do Burela FSF, que achegará frescura, xuventude e forza”.
A de Vanessa é a segunda incorporación do Burela FSF no mercado de inverno, xunto á ala-peche Milena Gasparini, do Kindermann Caçador.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
