Nota de prensa:
Para o PPdeG debería de ser revisado para que estas non sexan inferiores aos 2 anos, o que impediría deixar libre da cárcere aos autores que non teñan antecedentes
O PARLAMENTO APROBA A INICIATIVA DO PPDEG SOLICITAR A REFORMA DO CÓDIGO PENAL PARA AUMENTAR AS PENAS DOS AUTORES, DIRECTOS OU INDIRECTOS, DOS INCENDIOS FORESTAIS
o A voceira de Montes do Grupo Popular, Emma Álvarez Chao, recorda que na actualidade entre o 73 e o 80% dos incendios son provocados “polo que é necesario tolerancia cero para os autores destes crimenes non só para o medio ambiente senón tamén para a vida das persoas, como ocurríu neste verán”
o Na iniciativa popular tamén se aprobou solicitar o incremento dos recursos para a prevención, loita e persecución dos delitos forestais
Santiago de Compostela, 21 de decembro de 2010.- O Parlamento de Galicia aprobou na súa sesión plenaria de hoxe unha Proposición non de Lei do PPdeG na que solicita a reforma do Código Penal a fin de revisar e agravar as penas aos autores directos ou indirectos dos incendios forestais, esixindo que sexan establecidas có máximo rigor. A iniciativa foi transaccionada cunha emenda do BNG e aprobada por unanimidade de toda a Cámara Autonómica.
A voceira de Montes do Grupo Popular, Emma Álvarez Chao, considerou na súa intervención que o Código Penal debe ser revisado sobre todo no que atanxe aos delitos contra a seguridade pública, contra o ecosistema e o medio ambiente que están castigados con penas de cárcere entre 1 e 5 anos. Segundo a deputada popular “se ve a vontade do lexislador de non meter na cárcera aos autores xa que para penas menores de 2 anos que non teñen antecedentes podense suspender estas penas a cambio de cumplir certas condicións”.
Non ocorre o mesmo para os castigos por incendios de maior gravidade, se afecta a unha superficie considerable ou se derivan grandes ou graves efectos erosivos (con penas de 3 a 5 anos de cárcere) ou os que comporten un perigo para a vida ou integridade física das persoas (con pena de prisión de entre 10 e 20 anos). Para Alvarez Chao “a distinción do Código Penal entre todos estes delitos non se corresponde coa intencionalidade dos feitos polo que pedimos o endurecemento das penas en xeral para que estas sexan exemplarizantes e rigurosas e as marxes se apliquen co máximo rigor e severidade”.
TOLERANCIA CERO
A voceira de Montes do Grupo Popular resaltou que é necesaria unha seria reflexión sobre as actuacións penais contra os autores dos incendios forestais “que deben saber que serán castigados severamente para non caer na delictiva tentación de prender lume ao monte”. Indicou na súa intervención a importancia desta medida dada a elevada intencionalidade dos incendios xa que na actualidade entre o 73% e o 80 % son provocados “polo que é necesario tolerancia cero para os autores destes crimenes non só para o medio ambiente senón tamén para a vida das persoas, como ocurríu neste verán”.
A pesares do certo desequilibrio existente no Código Penal sobre as diversas penas a deputada popular destacou que en Galicia se apreciou un incremento importante do esforzo policial, pasando de 14 sentencias ditadas no ano 2006 a 63 no ano 2009, rexistrándose no ano 2009 o 89% das sentencias de toda España.Así mesmo incidiou na súa intervención o gran desembolso das arcas públicas, se 60 millóns de euros anuais, para combatir esta lacra social que é “necesario deter dende todos os frentes posibles”. Na iniciativa popular tamén se aprobou solicitar o incremento dos recursos para a prevención, loita e persecución destes delitos forestais.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
