Nota de prensa
O EQUIPO DE GOBERNO APROBARÁ NO PLENO DA VINDEIRA SEMANA POÑERLLE O NOME DE PRAZA DA CONFRARÍA DE PESCADORES Á PRAZA DO CONCELLO. ASÍ O ANUNCIABA HOXE O REXEDOR.
Praza do Concello, Burela, Casa do Concello (Foto de burela.org: Karina e Marcos)
Burela, 23 de decembro de 2010. O equipo de goberno aprobará no pleno do vindeiro 30 de decembro poñerlle o nome de praza da Confraría de Pescadores á praza do Concello. Así o anunciaba esta mañá o alcalde, Alfredo Llano.
O rexedor explicou que “no pleno que teremos o día 30 de decembro un dos puntos que abordaremos será unha petición realizada pola confraría de pescadores de Burela para darlle ese nome á praza onde está o Concello. Imos aprobar esa petición en recoñecemento á labor realizada pola confraría en diversos ámbitos na vila, é de xustiza facelo e aprobarémolo nesa sesión prevista para ás 10 da mañá”.
Acto cultural
Llano tamén lembrou que “ás oito desta tarde no auditorio da Casa da Cultura haberá un acto cultural e musical, trátase da presentación do libro de Pablo Mosquera Historias de nunca jamás, e actuará un grupo do Conservatorio de Viveiro que interpretará temas europeos e latinos. Pensamos que será moi interesante para todo o mundo”. O alcalde engadiu que “o libro é unha recopilación de historias de sempre contadas oralmente que se van mantendo de xeración en xeración e que son importantes para o patrimonio cultural da nosa comarca”.
Entrega de libros
Por outra banda, Ediciones Protocolo ven de doar un lote de libros (23 exemplares) coa colección da súa área de formación ao Concello de Burela. O acto tivo lugar esta mañá na biblioteca municipal. Alfredo Llano recibiu os libros de mans de Mar Castro e Luis López, autores do último número da colección Técnicas para falar en público, guía para unha comunicación eficaz, presentado hai dous meses no Concello.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
