Nota de prensa
Os nacionalistas demándanlle ao PP e ao PSOE que non fagan partidismo con este tema
O BNG esixe unidade para conseguir a Residencia para Foz
Foz a 30 de decembro de 2010.- O Bloque Nacionalista Galego denunciou a falta de compromiso político por parte da Xunta de Galiza e do partido que sustenta ao Goberno co equipamento social máis necesario que precisa o Concello de Foz, na perspectiva de que a posta en marcha dunha Residencia e dun centro de Día non só paliaría a ausencia de servizos para a Terceira Idade das que carece Foz senón que tamén serviría para facer fronte ao problema do emprego.
Basanta volveu a reiterar que “non se entende a decisión da Xunta en contra da Residencia e do Centro de Dïa posto que o Concello de Foz é o segundo en poboación da Mariña despois de Viveiro sendo ao día de hoxe o único que non conta con Centro de Día nin con unha Residencia que cumpra con todos os requisitos técnicos e dotacionais axeitados aos tempos modernos. Incluso poboacións da Comarca da Mariña con menos peso poboacional contan actualmente con Centro de Día e/ou Residencia”. Basanta continuou lembrando que “en Foz están censados ao redor de 2.300 maiores de 65 anos, o Concello está adherido ao Consorcio e os terreos que ofrecen no contorno do actual asilo teñen a cualificación de solo dotacional tanto no Plan Xeral de Ordenación Municipal en trámite como nas Normas Subsidiaria”. Neste sentido o edil do BNG indicou tamén que a posta en marcha deste servizo operaría tamén no plano do emprego posto que a súa posta en funcionamento implicaría a creación de máis de 50 empregos directos.
Os nacionalistas demandaron aos populares que “rectifiquen a posición mantida no Parlamento Galego no que por dúas veces seguidas se opuxeron a esta demanda de Foz que no seu momento os seus correlixionarios en Foz apoiaron. É lamentábel a posición do PP de Foz que se adica a vender fume con outros temas, importantes tamén pero non do calado deste, para agochar a súa incapacidade de xestión e o seu peso político no Partido. Mentres Cervo consegue o financiamento para unha dotación deste tipo a través dun convenio do Plano Concertado, en Foz seguimos a velas a vir e os populares de Foz actuando de comparsas”. Na mesma liña, Xoán Carlos González Basanta demandoulle rigor ao grupo de Goberno “posto que non é serio que agora formulen construír unha dotación deste tipo con medios propios, cando primeiro se carecen deles debido ao despilfarro da xestión destes anos, segundo, porque 600.000 euros non chegarían para un equipamento que custaría arredor de 2 millóns de euros e terceiro, porque a viabilidade dun centro deste tipo está en función das prazas que a Xunta estea dispostas a concertar, no caso contrario sería un artigo de luxo para unha minoría”.
O Bloque Nacionalista Galego demandou do PP e do PSOE que deixen de xogar ao partidismo do “e ti máis” para tentar “agochar as súas vergoñas e a súa incapacidade de dar resposta aos problemas reais da xente. É necesario que uns e outros poñan a orella e sintan o que a xente de Foz opina ao respecto do que da boa mostra o apoio masivo a recollida de sinaturas que se está a levar adiante por parte de colectivos locais. Foz non se merece un goberno e un partido da oposición que onde hai un problema, crean outro. Aínda máis, Foz merécese un goberno e unha oposición que antes de falar escoiten, e da a sensación que boa parte dos nosos políticos locais non andan moi finos de ouvido”. Neste sentido, os nacionalistas consideran paradigmático desta consideración a posición que están a manter co tema da Residencia e do Centro de Día tanto o PP como o PSOE, mentres Foz perde servizos en relación con outros Concellos.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
