Nota de prensa:
RESPONSABLES DE SEPES ASINARÁN MAÑÁ EN RIBADEO OS CONTRATOS DE COMPRA-VENDA DAS PARCELAS SOLICITADAS NO POLÍGONO INDUSTRIAL. FERNANDO SUÁREZ SUBLIÑA QUE O PARQUE EMPRESARIAL COMEZA ASÍ A DAR SÍNTOMAS DE ACTIVIDADE.
Ribadeo, 15 de decembro de 2010. Responsables de Sepes estarán mañá no Concello para asinar os contratos de compra-venda das parcelas solicitadas no polígono industrial de Ribadeo. O alcalde, Fernando Suárez, subliña que o parque empresarial comeza a dar síntomas de actividade con este novo paso e coas diferentes consultas recibidas nas últimas semanas de empresarios que queren ter información de primeira man.
O rexedor dixo que “damos un novo paso adiante na posta en marcha do tan ansiado e tan querido polígono industrial de Ribadeo. Será mañá a partires das doce no Concello, responsables de SEPES virán aquí para empezar a asinar os diferentes contratos de compra-venda coas empresas que demandaron e que teñen unha parcela xa solicitada no polígono de Ribadeo. Hai unha parte que o fará mañá e outra que agardará ata principios de 2011 por desexo dos propios interesados”.
Suárez Barcia lembra que “está previsto que unha ducia de empresarios se instalen no polígono de Ribadeo, que conta con 55 parcelas. É unha cifra moi importante tendo en conta a situación difícil que estamos a atravesar a nivel global, é un exemplo de que incluso en circunstancias complicadas este polígono empeza a dar síntomas de actividade, como tamén o dan as diferentes consultas recibidas nas últimas semanas. Varios empresarios se achegaron a pedir información de primeira man sobre as parcelas restantes deste polígono, toda vez que Sepes hai uns meses rebaixou un pouco máis o prezo do metro cadrado estando cunhas cifras bastante competitivas e ao mesmo tempo cunha ubicación ao pé da autovía inmellorable, non só no entorno máis inmediato a Ribadeo senón en moitos kilómetros á redonda”.
O alcalde celebra “este novo paso que daremos mañá e esperemos que as diferentes empresas que adquiren as parcelas empecen a solicitar canto antes as licencias de construcción das súas naves. Desde o Concello seremos áxiles na tramitación e na dación das licencias de obra e de actividade correspondentes”.
O polígono industrial de Ribadeo conta cunha superficie de 115.000 metros cadrados e supuxo un investimento total de máis de 10 millóns de euros.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
