- Pedro Rolle e Carlos Cornide presentaron este martes o seu libro 'Flores de Primavera do Valadouro' na UNED de Lugo
Os dous autores, o escritor e o creador audiovisual, fixeron un percorrido a través das especies de flora da Reserva da Biosfera Terras do Miño, destacando as máis singulares, as máis comúns e as máis rechamantes. Participaron nesta actividade Pedro Rolle Chaves, escritor, capataz forestal, técnico en conservación do medio natural e técnico superior en xestión forestal e Carlos Cornide, creador audiovisual e fotógrafo. Realizouse online e presencial
- Mondoñedo no novo Mapa Michelin dos Pobos Más Bonitos de España
Nel localízanse os pobos da asociación co pictograma da mesma. Entre eles está Mondoñedo, dentro dos pobos identificados en Galicia. Ademais Michelín tamén lanzou para o mercado francófono o novo mapa “Roadtrips en Espagne”, dedicado á Península Ibérica, onde se inclúen e destacan os pobos da Asociación co emblema dos mesmos. Os mapas poden mercarse a través da web dos 'Pueblos más bonitos de España'.
- Migallas teatro trae esta sábado, 18 de maio, ao Pastor Díza 'Falarmos coma galegas'
Por que a situación da lingua galega é a que é? Cales son os falsos tópicos máis comúns sobre ela? Que son a “diglosite” e a “castrapite”? De onde veñen os prexuízos sobre a lingua? A quen afectan? Teñen cura? Que remedios hai para tratalos? Cal é o futuro do galego?. “Falemos como galegas” é un espectáculo humorístico interactivo onde se abordan estas e outras moitas cuestións relativas á lingua galega a través de sketchs e cancións cómicas de autor. A cita é ás 20.30 h.
- O obradoiro de xabóns artesanais comezou o pasado venres, dentro dos talleres terapéuticos do programa Arruguiñas, dixirido á poboación maior de sesenta anos do Concello de Cervo
Estes talleres son impartidos pola asociación Saúde Mental A Mariña, na Casa do Mar. Nos meses pasados as persoas inscritas participaron nun taller de resina, e nun taller textil; xa en xuño dedicaranse a deseñar axendas personalizadas.
- Mariña Patrimonio está a organizar unha viaxe ao Courel para coñecer parte do seu patrimonio
A actividade, que conta coa colaboración da Área de Cultura da Deputación, terá lugar o sábado 25 de maio. En xornada de mañá está previsto visitar o Val das Mouras, o Castro da Torre e a aldea de Seceda. Tras unha pausa para xantar en Folgoso, o grupo acercarase a ver Montefurado e o pregamento xeolóxico de Campodola, antes de voltar para á Mariña. Durante toda a xornada, o arqueólogo Iván Ávarez Merayo fará de guía nesta visita ao patrimonio do Courel. As persoas interesadas en participar nesta viaxe poden contactar con Mariña Patrimonio a través do seu correo mr.patrimonio@gmail.com para obter a información necesaria sobre as condicións e o custe da actividade.
- O Valadouro programa unha Lectura dramatizada de textos de Luísa Villalta, homenaxeada este ano 2024 no Día das Letras Galegas
Este acto será levado o mesmo venres a escea por Trémola Teatro a partires das 20:00 horas na Casa da Cultura. De seguido no mesmo escenario, será o momento do recital "Cantando as nosas letras" a cargo do cantautor Xoán Curiel con poemas e cantigas musicados de autores/as homenaxeados/as nas Letras Galegas como a propia Luísa Villalta, Antonio Fraguas, Carvalho Calero, Xela Arias ou Florencio Delgado Gurriarán. Tamén están presentes outras/os autoras/es das nosas letras como Rosalía de Castro, Álvaro Cunqueiro, Alfonso X e trobadores da lírica medieval galego portuguesa.
- A UNED de Viveiro, dentro do seu programa de activiades de maio, ten aberta ata remate de mes nos baixos da biblioteca municipal, unha exposición sobre a trata de persoas
Horario: Mañás de 8:30 a 15:00 h. Tardes de 16:30 a 20:30 h.