Nota de prensa:
Melchor Roel descoñece incluso a situación administrativas das obras que afectan ao seu municipio e que aparecen publicadas no DOG
O DIARIO OFICIAL DE GALICIA DESMINTE A MELCHOR ROEL E PUBLICABA O 24 DE XUÑO DE 2010 A LICITACIÓN DA OBRA DE REFORZO DO FIRME E MELLORA DE INTERSECCIÓNS NA LU-862 ENTRE VIVEIRO E O LÍMITE DA PROVINCIA
o Alcalde socialista faltou á verdade cando afirmou que a Xunta de Galicia tiña paralizado este proxecto e que non o había licitado
o Balseiro asegura incluso que a adxudicación desta obra xa se ten efectuada e que nos próximos días tamén será publicada no DOG
A Mariña, 27 de xaneiro de 2011.- O deputado do Grupo Parlamentario Popular, Jose Manuel Balseiro Orol, asegurou hoxe que o alcalde socialista de Viveiro faltou á verdade cando afirmou que a Xunta de Galicia ten paralizado o proxecto de mellora da Lu-862 entre Viveiro e o límite da provincia. O deputado cre que o rexedor “ou non se entera ou directamente pretende engañar aos seus veciños” porque “tal e como calquera persoa pode comprobar consultando o DOG, a licitación desta obra xa se ten producido “unha situación que era negada polo alcalde”
O Diario Oficial da Galicia desminte polo tanto a Melchor Roel xa que con data do 24 de xuño de 2010 –isto é baixo a responsabilidade de goberno do Partido Popular na Xunta- se publicada unha resolución da Sociedade Pública de Investimentos de Galicia (SPI) pola que se licitaba esta obra, máis en concreto, baixo o epígrafe de “reforzo do firme e mellora das interseccións na Lu-862”. Unha actuación para a que, ademais, a Xunta prevía un orzamento de 5,9 millóns de euros. “Parece mentira que o alcalde non so negue este extremo, senón que incluso faga falta que pasen 6 meses para que este señor se decate disto”
FEITOS NON COMPROMISOS
Segundo Balseiro esta situación vén a demostrar unha vez máis a diferenza entre o anterior Goberno bipartito e o actual Executivo autonómico do Partido Popular, “que pasa das palabras aos feitos, e non se limita a facer promesas e anuncios como facían eles, senón que establece compromisos claros e orzamento definido, alí onde vale e importa, que é no DiariosOficial de Galicia”
ADXUDICACIÓN
Balsiero adiantou ademais que non só que esta obra está licitada senón “neste momento xa foi adxudicada” O deputado explicou que “nos próximos días a Consellería de Medio Ambiente Territorio e Infraestuturas dará conta desta axudicación a través da súa publicación no DOG, establecendo as condicións técnicas, a empresa que desenvolverá os traballos e o prazo de execución dos mesmos”.
Resulta evidente, polo tanto que “en so dous anos, o PP fai moito máis do que o bipartito que tanto defende o señor Roel foi capaz de facer durante os catro anos nos que gobernou Galicia”
CRONOLOXÍA
Licitación:
o DOG do 24 de xuño de 2010 que publica a resolución da Sociedade Pública de Investimentos de Galicia (SPI) de 15 de xuño de 2010.
Adxudicación:
o Publicación inminente. (A apertura de plicas xa se ten efectuado)
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
